Information about the program and how and where to register will be forthcoming.
DAVVI:
ℹ️Sámegiela, sámi girjjálašvuođa ja kultuvrra symposia 2025
Buresboahtin Sámegiela, sámi girjjálašvuođa ja sámi kultuvrra symposiai Oulu universitehtii 12.–14.11.2025!
Mii bovdet buot sámegiela, sámi girjjálašvuođa ja sámi kultuvrra dutkiid, studeanttaid ja eará giellaberošteddjiid searvat miellagiddevaš symposiai. Symposias lea vejolaš geavahit bargogiellan buot sámegielaid. Mii leat lasihan symposia temáide sámi kultuvrra danin go dat lea dehálaš oassi Giellagas-instituhta dutkamušas.
Symposia lágidit Oulu universitehta Giellagas-instituhtta, Sámi Giellagáldu ja studeanttaid searvi Gieku rs ovttasbarggus Ubmi universitehtain, UiT Norgga árktalaš universitehtain ja Sámi allaskuvllain.
Symposia bovdejuvvon logaldallit:
Sámegiella: Ante Aikio (Giellagas-instituhtta, Oulu universitehta)
Sámi girjjálašvuohta: Lill-Tove Fredriksen (UiT Norgga árktalaš universitehta)
Sámi kultuvra: Krister Stoor (Várdduo, Umeå universitehta)
Sámi Giellagáldu háliida symposias čalmmustahttit buot Davviriikkain hállojuvvon sámegielaid ja buktá logaldalliid dáin gielain.
Čoahkkáigeasuid sádden
Symposia sáhkavuorut sáhttet gieđahallat buotlágan fáttáid, mat mainna nu lágiin laktásit symposia temáide, dego sámi girjjálašvuhtii, sámi kultuvrii ja iešguđetge sámegielaide, omd. giellagáhttemii ja terminologiijai. Sihtat sáddet 200–300 sáni čoahkkáigeasu (abstrávtta) maŋimustá borgemánu 29. beaivve 2025. Sáhkavuoruid guhkkodat lea 20 minuhta + 10 minuhta ságastallamii.
Sádde čoahkkáigeasu dákko:
c2thIHwgb3VsdSAhIGZp
Mis leat plána ordnet symposias guhtta bargobáji (90 minuhta). Sáhtát maid evttohit temáid bargobádjái jos leat beroštuvvan ordnet dakkára.
📌Dieđiheapmi
Dieđihanáigi rahpasa 1.9. já maŋimuš dieđihanáigemearri lea 29.9. Konferánsadivat lea 100 €, ja dat gokčá gáfe buot beivviid. Vuođđodutkkusstudeanttaide symposia lea nuvttá. Duorastateahkeda 13.11. mis leat mállásat, mat mákset 70 €.
Mii ordnet maid bargobájiid, omd. giellateknologiija ja sámi girjjálašvuođa birra ja earenomáš bargobáji doavttirgráđahasaide. Temán leat nákkosdutkamuša ehtalaš gažaldagat ja nákkosgirjeartihkkaliid almmustahttin.
Symposia prográmma almmustahtto 1.10. symposia neahttasiiddus:
https://tinyurl.com/sgk2025
Lassedieđut:
c2thIHwgb3VsdSAhIGZp
Symposia lágideddjiid bealis:
Oulu universitehta Giellagas-instituhtta:
Marko Jouste
Sigga-Marja Magga
Markus Juutinen
Helena Ristaniemi
Sámi Giellagáldu:
Sierge Rasmus
Jukka Mettovaara
GieKu rs.
|
