Ei vestlandsbygd. På ein plass, langt, langt vekke.
Ein ung kyrkjetenar på eit NAV-program, ja, lista hans er lang i psykisk liding. Namnet er Lyder. Han liker godt å labbe rundt i kyrkjegardskogen, henge i lag med dei som ikkje plagar han. Dei som vil liggje der, å berre vere døde. Han klarar det, stelle gras, klippe hekk, klippe kant.
Ein fersk (og ganske hot) prest. Han er nyutdanna. Ikkje stor ein fan av å henge med dei døde. For heilt brått slutta han å like det, å henge med dei døde. Namnet hans er Eyolf. Gutane byrjar å finne kvarandre, midt i mykje død og drit og traume. På badestranda, vis-à-vis skogen, sit dei der, vis-à-vis. Dei deler øl, deler håp, mange bøner, ei filosofisk floke, og kanskje, ei stille? For begge lengtar dei, etter ei stille, som dei kanskje finn, i kvarandre?
Dei leitar godt.
Midt mellom inngang og utgang.
Kanskje som ein utgang i ein inngang?
Kanskje mellom kjærleik og liv og død?
Det dramatiske diktet «Sakna er stilla» er eit nyskrive verk av Magnus Sundgot. Gjennom varme, humor og mørke utforskar stykket tunge og tabu tema – i eit fjelgt, annleis og friskt språk.
Om dramatikaren
Magnus Sundgot er det norsk teater treng. Fødd i 1996, bur i Oslo, og er autodidakt frå internetts Youtube. Ulydig, rampete, nifs og ufin – eit vordande stjerneskot på ein elles blass dramatikarhimmel.
Med bakgrunn som teiknspråktolk har han ei sylskarp teft for språk, noko som glitrar godt i teaterstykket Sakna er stilla. Arbeida hans blandar poetisk venleik med det mørke, absurde og psykologisk djupe. Tenk deg at Jon Fosse og Erlend Loe fekk ein «love child», og du er i nærleiken. Tidlegare produksjonar inkluderer manus til novellefilmen LARS (Døves Media, 2022), vist på Teater Manu, og episoden Guttastemning i podkasten MAXIME (2024). Begge prosjekt ganske homo, det er også Sakna er stilla <3
Skodespelarar
Simen Tobias Natvig Krogvig Segerberg, Jon Todal Sæbø
Verkstadleiar
Fride Snipsøyr Holøs
You may also like the following events from Dramatikkens hus:
|
