Javid Afsari Rad, santur
Reza Samani, tombak, daf og sorna
Nawar Alnaddaf, oud, ney, vokal
Reshail Mansour, vokal
Peter Szilvay, dirigent
Mellomnamnet til Kork er samarbeid. Det er ikkje tal på kor mange musikalske prosjekt som har skapt musikalsk magi nettopp ved å la musikk frå ulike leire møtest.
Nokre samarbeid er naturleg å vende tilbake til. For tredje gong møtest santur-speler Javid Afsari Rad og Kork på scena, og vi veit allereie no at blandinga av persisk klassisk musikk og eit norsk orkester kjem til å slå gnistar.
Afsari Rad er fødd i Iran, men har budd i Noreg. Han er bland dei fremste i verda på santur (hakkebrett), eit tradisjonelt instrument som blant anna er utbreidd i dei persiske områda. Rad er og ein anerkjend og prislønt komponist, og (i likskap med Kork) kjend for si evne til å samarbeide i mange musikalske stiler.
Når han no møter Kork i Store studio, er det for å feire sine 60 år og ikkje minst si viktige rolle i norsk musikkliv gjennom 40 år.
Javid er og ein musikar som ikkje gløymer kor han starta som ung musikar i eit framand land, og han har vore ein viktig musikarkollega for å integrere fleire utanlandske musikarar i det norske musikklivet. Syriske Nawar Alnaddaf og norsk-pakistanske Reshail Mansour er blant dei og gjestar konserten i eit eige sett med Javid og strykarar.
Javid presenterer og ein nyare versjon av eit av hans tidlegare tingingsverk. Her har Javid med seg iranske Reza Samani.
Velkomen til ein unik musikalsk oppleving som feirar ein livslang karriere prega av skaparglede, tradisjon og innovasjon.
You may also like the following events from Kringkastingsorkestret (KORK):
- This Sunday, 31st August, 07:30 pm, Ane Brun, Fieh og Kork in Oslo
- Next month, 12th September, 07:00 pm, Kork kammer - Sara Chen med venner in Oslo
- Next month, 13th September, 02:00 pm, Tangentar og tårer in Oslo