Ei mørk komedie om å sleppe taket.
Når sonen forsvinn, står foreldra att med eit tomrom som ikkje let seg fylle. Helt til det ein dag bankar på døra – og der står han. Medtatt og svolten, men i live. Lukka er total, men vil ho vare?
På scena møter vi Dennis Storhøi, Anne Guri Tvedt og Jonas Strand Gravli som far, mor og son.
I regi av Charlotte Frogner møtest det mørke og det inderlege i ei framsyning som får deg til å le når du minst ventar det.
Tilbakekomstene tek for seg kjærleiken mellom foreldre og barn, er både tragisk og forbløffande komisk, og det er lett å kjenne seg att i tanken på å miste det umistelege.
Vi inviterer til ei leiken framsyning med eit snev av galskap.
Gjennom smerte og galgenhumor blir det mest menneskelege av alt utforska: behovet for å halde fast og motet til å sleppe taket. For når er nok, faktisk nok?
Endeleg vender Porsgrunn-dramatikaren Fredrik Brattberg heim til Teater Ibsen.
Brattberg er ein av Noregs mest internasjonalt spelte dramatikarar. Han har fått ei rekkje prisar for dramatikken sin og fekk i 2012 Ibsenprisen for nettopp Tilbakekomstene.
Det er ei glede for Teater Ibsen å endeleg kunne presentere vår internasjonale Porsgrunn-dramatikar for publikum i Telemark og Vestfold.
På scena
Dennis Storhøi, Anne Guri Tvedt, Jonas Strand Gravli og Aleksander Aga Røynstrand
Team
Av: Fredrik Brattberg
Skodespelarar: Dennis Storhøi, Anne Guri Tvedt og Jonas Strand Gravli
Musikk: Aleksander Aga Røynstrand
Regi: Charlotte Frogner
Scenografi: Christine Lohre
Lysdesign: Tuva Grøterud
Dramaturg: Åste Marie Bjerke
You may also like the following events from Vinje kommune:
