Basar i Kleivgrend

Vi prøvar ein ny vri på basaren i år. Det blir basar med suppe, åresal, kaffe og kake og loddtrekning på Grendehuset laurdag 9. august. Suppa er klar frå kl 1300 og det kostar kr 100,- (inkl brød). Det blir åresal kl 1430 og 1530. Kl 1700 trekkjer vi loddbøkene. Som tidlegare har vi mange fine gevinstar. Hovudgevinsten er to bålstolar i impregnerte materialar. Elles har vi 2 x 10 vedsekkar ekte fjellbjørk frå Torsdalen, fillerye, heimestrikka vottar, saueskinn, gåvekort på elgkjøtdeig og mange andre fine gevinstar. Lodd på loddbøkene kostar kr 5,- og det er høve til å ta lodd på førehand ved å vippse til grendelaget (VIPPSNR 944084) fram til kl 1500 dagen før basaren. Skriv om du vil ha lodd på boka med hovudgevinsten eller den andre. Inntekta frå basaren går til drift av grendehuset og aktivitetar i grendelaget.
Arr: Kleivgrend grendelag