Hádegishittingur með hönnuði - Íslenskt handprjón kynnt

Miðvikudaginn 10. september kl. 12.15 munu þær Hulda Kristín Hauksdóttir og Kristrún Rut H. Antonsdóttir kynna rannsóknarniðurstöður sínar á viðburðinum Hádegishittingi með hönnuði í Hönnunarsafninu á Garðatorgi.

Þær stöllur fengu styrk úr Nýsköpunarsjóði námsmanna hjá Rannís til að rannsaka handprjón á Íslandi og voru með vinnuaðstöðu í Hönnunarsafninu í sumar. Þær unnu fræðilega vinnu, prjónuðu prufur og prófuðu nýjar aðferðir í prjóni, tóku viðtöl og unnu skapandi með handprjónshefðina. Niðurstöður rannsóknarinnar verða kynntar gestum á Hádegishittingi með hönnuði þar sem boðið verður uppá kaffi og kleinur og notalegheit.

You may also like the following events from Hönnunarsafn Íslands:

• This Sunday, 7th September, 01:00 pm, BÓKASMIÐJA - Fjölskyldusmiðja með Kakkalakki Studio in Kopavogur