Ljósanætur keyrsla bifhjóla 2025

Ernir munu standa fyrir hópakstri niður Hafnargötu á Ljósanótt Laugardaginn 6. September
Við viljum byrja á að bjóða í pylsu grillveislu í klúbbhúsi okkar að Bakkastíg 16 í Njarðvík kl 13:00
Þar munum við stilla upp þeim hjólum sem munu taka þátt í keyrslu þetta árið en til þess að þetta fari allt vel fram þá biðjum við ykkur um að lesa vel hér að neðan og virða þau tilmæli sem Ernir biðja ykkur um.

ATH engin skráning er í keyrsluna og er öllum frjálst að taka þátt en hins vegar er fjöldi bifhjóla sem mega keyra niður Hafnargötu takmarkaður við 200.
Til þess að þetta gangi upp þá munum við stilla upp hjólum strax í röð á Bakkastígnum en hluta götunar verður lokuð á meðan grilli stendur og munum við leggja af stað í keyrsluna stundvíslega kl 14:55.
Ernir telja hjól í röðinni og munu loka röðinni með því að öftustu hjól verða úr röðum Arna. Þau hjól sem eru umfram 200 munu hafa tækifæri á að keyra aðra leið að hátíðarsvæði neðan við DUUS hús á smábatahöfninni.

Leið sem keyrð verður er frá Bakkastíg í átt að Hafnarbraut og þaðan inná Njarðarbraut að hringtorgi við Hafnargötu og Þjóðbrautar. 200 hjól munu halda áfram niður Hafnargötu.

Þau hjól sem eru umfram þessi 200 sem fara niður Hafnargötu fari eftirfarandi leið.

Ekið er inn Þjóðbraut að Hringtorgi og þaðan úr við Hringbraut þar sem beygt er inn á Hólmergsbraut inná Helguvíkurveg inn Bakkaveg og leið keyrð inná bílastæðaplan við smábátahöfn neðan við DUUS hús.