Aðventugarðurinn ✨🎄

✨Töfrandi dagar í Aðventugarðinum í desember! ✨

Aðventugarðurinn í Reykjanesbæ verður opinn allar helgar í desember frá kl. 14 -17 og á Þorláksmessu frá kl. 18-21 🎄

Garðurinn er dásamlegur staður til að taka inn jólaandann og þar geta íbúar og gestir átt saman notalegar stundir í aðdraganda jóla 🩵 Það er um að gera að bregða undir sig betri fætinum og fara á smá bæjarrölt, koma við í Aðventugarðinum og auðvitað að nýta sér þá verslun og þjónustu sem boðið er upp á í næsta nágrenni. Það verður enginn svikinn af því!

Alla laugardaga og sunnudaga verður lifandi dagskrá í garðinum og hún mun birtast hér þegar hún verður tilbúin 🌟

Aðventusvellið⛸️ verður einnig á sínum stað og þar gefst fjölskyldum einstakt tækifæri til að upplifa saman gleðilegar stundir með hressandi útivist og hreyfingu. Alltaf er opið á svellinu þegar opið er í Aðventugarðinum og á ýmsum öðrum tíma einnig. Upplýsingar um opnunartíma og bókanir eru á adventusvellid.is ❄️