MIC ദാറുൽ ഇർഷാദ് അക്കാദമി സിൽവർ ജൂബിലി

ഉത്തര മലബാറിലെ ആദ്യ ഹുദവി കോളേജായ എം.ഐ.സി ദാറുൽ ഇർശാദ് അക്കാദമി ഇൽമീ - ദഅവാ രംഗത്ത് 25 വർഷം പൂർത്തീകരിച്ചിരിക്കുകയാണ്, അൽഹംദുലില്ലാഹ്.. കാസർഗോഡിന്റെ വിദ്യഭ്യാസ ചരിത്രത്തിന് പുതിയ വഴികൾ തുറന്ന എം.ഐ.സി യുടെ കീഴിലുള്ള അതി പ്രധാനപ്പെട്ട ഒരു സ്ഥാപനമാണ് ദാറുൽ ഇർശാദ് അക്കാദമി. കഴിഞ്ഞ കാലയളവിൽ സ്ഥാപനത്തിലെ പൂർവ്വ വിദ്യാർത്ഥികൾ വിദ്യഭ്യാസ - സാമൂഹിക - പ്രബോധന പ്രവർത്തനങ്ങൾക്ക് രാജ്യത്തിനകത്തും പുറത്തും സക്രിയമായി ഇടപെട്ട് കൊണ്ടിരിക്കുന്നതും ലോകത്തിലെ അറിയപ്പെട്ട യൂണിവേഴ്സിറ്റികളിൽ സാന്നിദ്ധ്യമായതും ഏറെ സന്തോഷകരമാണ്.
25 വർഷത്തെ വിദ്യഭ്യാസ അടയാളപ്പെടുത്തൽ അയവിറക്കിയും വലിയ പദ്ധതികൾ ആവിഷ്ക്കരിച്ചും എം.ഐ.സി ദാറുൽ ഇർശാദ് അക്കാദമി സിൽവർ ജൂബിലി സമാപന സമ്മേളനം ഈ വരുന്ന ഡിസംബർ 12,13,14 തീയ്യതികളിൽ നടത്തപ്പെടുകയാണ്. പ്രസ്തുത ജൂബിലിക്ക് എല്ലാവിധ ആശംസകളും നേരുന്നതോടൊപ്പം പരിപാടി വൻവിജയമായിത്തീരട്ടെ എന്ന് പ്രാർത്ഥിക്കുകയും ചെയ്യുന്നു