Þræðir fortíðar // tveggja skipta námskeið þar sem unnið er í gegnum athöfn & sköpun. Kennt fim 4. sept & fim 18. sept frá kl. 19.30 - 21.30
Langar þig til þess að tengjast rótum þínum? Tengjast formæðrum og forfeðrum þínum á djúpan hátt og heiðra þau?
Við munum halda rými þar sem þú getur stigið inn í tengslin þín við þá sem á undan þér komu með hugleiðslu, sköpun og blessun.
Við hefjum stundina í kyrrð og tengingu – þar sem þú færð tækifæri til að snúa athyglinni inn á við og hlusta eftir röddum ættfólks þíns sem lifir áfram í líkama þínum, í hjarta þínu og í sögunum sem þú berð með þér.
Þú kemur með hlut – ljósmynd, stein, texta, fatnað eða minjagrip – sem tengir þig við ætt þína og verður lykillinn að skapandi ferli þínu.
Sköpunin verður brú milli þess sem var og þess sem er – leið til að færa minningu inn í efnið, gjöf handa þeim sem komu á undan og þeim sem koma á eftir.
Við munum skapa vegghengi og gripurinn sem þú kemur með verður hluti af verkinu – verk sem að þú tekur með þér heim og getur hjálpað þér að dýpka tengsl þín við forforeldra og veitir þér blessun og vernd.
Í lok stundarinnar blásum við lífi í sköpunina með blessun – opnum verkið, tenginguna og tilveruna fyrir þeirri visku og krafti sem við berum með okkur í gegnum efni og anda.
Verð: 29.900.-
Aðeins 12 pláss í boði.
Skráning fer fram hér:
https://shop.moarstudio.is/products/thraedir-fortidar-athofn-skopun-4-og-18-sept
Kennarar námskeiðsins eru:
Hera Sigurðardóttir er stofnanfi og eigandi Flóðs & fjöru hannyrðastúdíós. Hún er með BA í mannfræði og MA í hagnýtri menningarmiðlun frá Háskóla Íslands. Hún hefur víðtæka reynslu af starfi með börnum og ungmennum en frá 2002-2015 starfaði hún hjá Reykjavíkurborg sem frístundaráðgjafi og verkefnastjóri á leikjanámskeiðum, í félagsmiðstöðvum og ungmennahúsum. Auk þess að hafa verið stundakennari í tómstunda- og félagsmálafræði við Háskóla Íslands. Hera hefur mikla reynslu af því að valdefla og leiðbeina hópum og einstaklingum og ná fram sköpunarkraftinum og leikgleðinni. Frá árinu 2021 hefur Hera starfað við handavinnuskennslu í gegnum Flóð & fjöru.
Kristín Þórsdóttir er stofnandi og eigandi Eldmóðurs ehf. Þar starfar hún sem vottaður markþjálfir, kynlífs-markþjálfi og Cranio meðferðaraðili en hún er menntaður Advanced höfuðbeina- og spjaldhryggjarmeðferðaraðili. Kristín er með menntun í NA-shamanisma frá skóla Robbie Warren (Otter Dance school of earth medicine. Hún hefur haldið marga fyrirlestra og námskeið og er hennar helsta ástríða hvernig við getum tengst okkur sjálfum, rótunum og líkama á dýpri hátt. Einnig hefur Kristín verið að skapa mikið úr gjöfum jarðar. Bæði óróa og draumfangarar.
You may also like the following events from MÓAR studio:
|
