Og bare deg og meg er ei forestilling der verda til Jon Fosse møter språket i dansen og musikken. I møte med teksten til Fosse, utforskar Emma Öberg og Jon Bugge Mariussen korleis me menneske ber tid og minne i kroppen. Kva er det synlege og det usynlege i oss?
I nært samarbeid med dansar og musikar Tuva Færden opnar dei opp tid og rom, og rører seg gjennom fleire tidsplan samtidig - fortid, notid og framtid blir til eitt.
Inspirert av karakterane i Jon Fosse sin Og aldri skal vi skiljast, flyt forestillinga mellom fleire tilstandar. Kjensler, minne, og draumar sklir over i kvarandre og formar, og omformar, notida. Publikum blir inviterte inn til eit sanseleg og poetisk møte mellom rørsle, tekst, og musikk - der fleire røynder får lov til å eksistere samtidig.
Tuva Færden tek med seg eit breidt musikalsk uttrykk - med hardingfele og lyre i handa. Jon Bugge Mariussen foreinar samtidsdans med impulser frå norsk folkedans og perkusjon, medan Emma Öberg sin samtidsdansbakgrunn ber spor av balinesisk tradisjonsdans. Og bare deg og meg er deira fyrste kunstnariske samarbeid.
Emma Öberg - koreograf, produsent og utøvar
Jon Bugge Mariussen - koreograf, produsent, utøvar og med-komponist
Tuva Færden - komponist og medskapande utøvar
Marita Solhjell Ølander - kostyme & scenografi
Rettleiarar: Marius Kjos, Caroline Wahlström Nesse
Co-produsentar: Rom for dans og Sprang
Støtta av: Kulturrådet, Region Östergötland, Statens Kunstnerstipend.
I samarbeid med: Linköpings Kommun.
