Bokprat: Ingvild Skølt - Du vil kjenne eit lite stikk

Ingvild Skølt gav i vår ut debutromanen Du vil kjenne eit lite stikk. Ho bur i Honningsvåg i Finnmark, der ho jobbar som fastlege, men kjem frå Hemsedal. No kjem ho til Ål bibliotek!

Du vil kjenne eit lite stikk handlar om turnuslegen Hanne, som startar i sin fyrste jobb ved Granmo sykehus. Det er ei bok om gode intensjonar, altfor store kvite frakkar, trøytte bakvakter og rasande pasientar. Om jakta på kjærleiken, frykta for å gjere feil, og kva som skjer når det faktisk går gale. Dette er ein annleis legeroman anno 2025, med kapittel som får lesaren til å både le attkjennande og tørke eit par tårer. Romanen gjekk rett inn på tredjeplass over landest mest solgte skjønnlitterære bøker, og har fått svært gode kritikkar.

Arrangementet er gratis. For å sikre deg plass kan du hente ut gratisbillett i eBillett eller i kulturhusskranken.