Velkommen til keramikkurs med kunstnarkollektivet Råbrent!
Pris: 850 kr, inkludert alt materiale, brenning og glasering. Kunstnarar får 20% rabatt, dokumentasjon må leggast fram ved ankomst til kurset.
Oppmøte: Kunstnarsenteret i Sogn og Fjordane, Langebruvegen 9.
Nysgjerrig på keramikk? Kurs med Råbrent passar for alle - du treng ingen forkunnskapar for å delta.
Kurset startar med eit kort besøk i Kunstnarsenteret i Sogn og Fjordane (Langebruvegen 9) deretter går vi over plassen til Sogn og Fjordane Kunstmuseum der kurset finn stad. Kine og Margot i Råbrent viser tre ulike handbyggings-teknikkar: pølseteknikk, "pinch pot" og plateteknikk. Du står fritt til å skape kva du vil og kan lage inntil tre objekt med leira du får utdelt (800 g.).
Kurshaldarane rettleiar deg gjennom prosessen, og mot slutten av kurset velger du blant seks ulike glasurar som påførast arbeida dine seinare. Kurset varar i 2 1/2 time. Museumskafèen er open til kl. 16, kjøp gjerne med deg drikke og ta med inn på verkstaden
Arbeida kan hentast i Kunstnarsenteret 4-8 veker etter kurset.
Kurset er del av Kunstnarsenteret i Sogn og Fjordane si markering av NK50 i samarbeid med Sogn og Fjordane kunstmuseum.
Gruppe 2 startar kl 14.30, sjå eige arrangement og billettar for gruppe 2 her:
https://www.facebook.com/events/1533047437874644/?acontext=%7B%22event_action_history%22%3A[%7B%22surface%22%3A%22home%22%7D%2C%7B%22mechanism%22%3A%22attachment%22%2C%22surface%22%3A%22newsfeed%22%7D]%2C%22ref_notif_type%22%3Anull%7D
// 50 år med Norske Kunsthåndverkere //
Norske Kunsthåndverkere (NK) har vore dei profesjonelle kunsthandverkarane sin fagorganisasjon sidan 1975. I 2025 fyller dei 50 år og det blir markert i heile landet gjennom heile året.
Organisasjonen arbeider for kunsthandverkarane sine arbeidsvilkår og for at fleire skal få sjå og lære om kunsthandverk. NK har etablert ei rekke utstillingar, visningsstadar og eit tidsskrift. NK er delt i sju regionar og NK Vest-Norge dekkar Rogaland og Vestland.
Les gjerne meir om NK og jubileet:
https://www.norskekunsthandverkere.no/nk50
You may also like the following events from Sogn og Fjordane Kunstmuseum:
