Torsdag 26. februar får vi storfint besøk av
hageprofilen Espen Skarphagen.
Skarphagen er kjend som dommar i TV 2-programmet
Sommerhytta og står bak bloggen skarpihagen.no,
der han dagleg deler tips og inspirasjon om hage og blomster.
Han er òg årets store trekkplaster på Hagemessa på Lillestrøm.
I dag er Espen Skarphagen kanskje mest kjend frå
Sommerhytta på TV 2, men han har i mange år formidla
hageglede gjennom bøker, blogg, sosiale medium og
podkasten Grøntpodden.
Han deler òg kunnskapen sin i programmet God Morgen Norge på TV 2, og gjennom ei rekkje populære føredrag.
Skarphagen har gjeve ut fleire bøker fulle av vakker og inspirerande hageglede.
Følg Espen her:
• Instagram
• Grøntpodden på Spotify
• skarpihagen.no
Foredrag i Florø: Den grenselause hagen
I Florø held Espen Skarphagen føredraget Den grenselause hagen. Her tek han for seg moglegheitene som ligg i uterommet – enten du har terrasse, balkong eller hage. Han viser korleis vi kan fylle uterommet med liv og mangfald, med fokus på sirkulær tankegang og korleis vi kan spele på lag med naturen for å skape betre biomangfald.
Det blir presentert ei rekkje spanande plantar, i tillegg til bruk av vatnelement og kvifor dette gir meir liv i hagen. Føredraget tek òg for seg stiklingsformering, deling av plantar, planteminne og korleis vi kan ta vare på det vi dyrkar – både i bed og krukker. Du får enkle og praktiske tips til hagedesign og masse inspirasjon til eige uterom.
Dette er eit inspirerande og mangfaldig føredrag som passar for både hageeigarar og dei med terrasse eller balkong . Han har og med boka si for sal.
Stad: Fokus Elektro sine lokale på Evja kl 18.00
Enkel servering,
Loddsal
Inngang: Medlem: 200,- Ikkje medlem 250,-
