Hald av datoen laurdag 6. september 2025! Då blir det danseseminar med fokus på springleiken i Ottadalen.
📍10-16 Seminar (Vågå kulturhus) - inkl. lunsj (gratis for medlemmer/150,- for ikkje-medlemmer)
📍17:00 Middag (Villa Vågå hotell) - krev påmelding innan 30. august og kvar enkelt betaler sjølv (395,-)
📍18:00 Dansefest (Villa Vågå hotell) - gratis og ope for alle, hotellet held baren open heile kvelden
https://fb.me/e/3zVwbxoDT
👉🏼 Meld deg på innan 30. august via dette skjema:
https://forms.gle/kFtBCPAuYXfvioES9 👈🏼
Dette blir ein dag for alle som er interessert i springleik og som ynskjer å lære meir, diskutere, utveksle erfaringar, sjå på arkivklipp og danse mykje. Det blir ein skikkelig nerdedag for alle ivrige springleikdansarar!
Vi vil mellom anna ta for oss spørsmål som:
💃🏼 Kva kjenneteikner springleikdansen i Ottadalen anno 2025?
🕺🏼 Korleis var dansen før i tida og korleis har utviklinga på dansegolvet vore fram til i dag?
💃🏼 Kva er likt og kva skil dansen i dei ulike bygdene, før og no?
🎯 Målgruppe: Du som kan litt om springleik og som ynskjer å lære endå meir.
Dersom du ikkje kan så mykje om springleik anbefalar vi deg å delta på ei øving eller ein dansekveld i Skjåk, Lom eller Vågå i forkant av seminaret. Seminaret er ikkje eit grunnkurs, så det er lurt å ha litt kjennskap til dansen eller musikken frå før.
🎉 Etter seminaret på dagtid inviterer vi til ein sosial kveld med dans og spel der alle er velkomne uavhengig av deltaking på seminaret. Dansefesten og middag skjer på Villa Vågå hotell.
📍 Seminaret skjer i Vågå kulturhus, adresse Vågåvegen 56.
🕺🏼 Pedagog, dansar og musikar Vegar Vårdal leier oss gjennom seminaret og vil gi oss innsikt, inspirasjon, vise klipp frå arkivet og hjelpe oss til å bli endå betre og meir bevisste Springleikdansarar.
🎻 Musikar: Astrid Sulheim (fele).
🗓️ Seminaret skjer laurdag 6. september kl. 10-16, inkl. lunsj og småpausar.
💰 Pris: GRATIS for medlemmer i Lom, Skjåk eller Vågå spel- og dansarlag. 150,- for andre (inkl. lunsj). Det er sjølvsagt mogleg å bli medlem i eit av laga om ein ikkje er det frå før.
Arrangementet er eit samarbeid mellom Lom spel- og dansarlag, Vågå spel- og dansarlag og Skjåk spel- og dansarlag.
Støtta av: Norsk senter for folkemusikk og folkedans, FolkOrg, Gjensidigestiftelsen, Folkedans Innlandet.
Foto: Kulturfotografen AS, Thor Hauknes
Also check out other Workshops in Dombås.
|
