Ny dag, ny nåde - kva kan skje om vi berre vågar å sitje stille?

"Du vil vel finne på noko som får tida til å gå", sa folk, da Petter Fiskum Myhr gjekk av som direktør for Olavsfest i Trondheim. "Nei, eg skal finne på noko som får tida til å vare", svara han. "Du vil i alle fall ikkje setje deg ned i ein gyngestol!" sa dei. "Det er akkurat det eg skal", svara Myhr.

Kvar morgon sit han i gyngestolen utan radio eller mobil. Og gyngestolen virkar. Tankar han elles ikkje ville ha tenkt kjem. Små hendingar. Det som har vore, kjem nærare. Augeblinken, det einaste vi eig, blir rikare. Erfaringane frå gyngestolen har blitt boka "Ny dag, ny nåde" - ei vakker forteljing om liv og død.

Det blir kaffe og kringle for den som vil etter foredraget. Velkomen!

Arrangementet er ei markering av Verdsdagen for psykisk helse, og skjer i samarbeid med Rus og psykisk helseteneste i Dovre kommune.

You may also like the following events from Dovre folkebibliotek:

• Next month, 8th September, 06:00 pm, Musikkquiz in Dombås
• Next month, 22nd September, 06:00 pm, Utvandringa til Amerika - foredrag in Dombås
• Next month, 29th September, 05:30 pm, Songstund med Martine in Dombås