Kven eig sanninga? Føredrag og panelsamtale

Kven kan vi stole på i ei tid der informasjon blir filtrert, manipulert og spreidd gjennom stadig nye kanalar? Korleis påverkar teknologi, sosiale medium og kunstig intelligens kvardagen vår – og demokratiet vi lever i?

Denne kvelden får du høyre to forskarar som gir ulike innfallsvinklar til korleis sanning, informasjon og teknologi påverkar samfunn og menneske i dag:

Kristin Skare Orgeret – professor i journalistikk og mediefag ved OsloMet – held foredraget «Sanning under press». Ho forskar på mediemakt, desinformasjon og journalistikk i krig og konflikt.

Lars Nyre – professor i design og teknologiteori ved Universitetet i Bergen – held foredraget «Teknologi tek styringa». Han set fokus på korleis teknologiske løysingar formar kvardagen vår og skaper nye dilemma.



Etter foredraga inviterer vi til panelsamtale med forskarane og Silje Andvik Hoaas (kommunikasjonsleiar i Alver kommune) og Ståle Juvik Hauge (rådgjevar for samfunnstryggleik og beredskap i Alver kommune). Samtalen blir leia av Vegard Flatøy.

Støtta av Forskningsrådet.

Arrangementet er gratis og ope for alle. Velkomen til ein tankevekkjande kveld på biblioteket i Knarvik!

You may also like the following events from Alver bibliotek:

• Next Monday, 15th September, 07:00 pm, Bli med på kviss på biblioteket! in Bergen
• Next Thursday, 18th September, 06:00 pm, Diagnose Kvinne: Kvifor kvinnehelse er oversett i medisinen in Bergen
• This month, 25th September, 02:00 pm, Formiddagskonsert med BTB – Bandet til Bestefar! in Bergen