Biblioteket inviterer til heilaftan i folkemusikkens teikn. Det blir utvida opningstid med live folkemusikk, open kafé, og dans mellom bokhyllene. Velkomen!
Kvelden startar kl 18.30 med lyttekonsert i auditoriet, med Strengjarhaugen Spelemannslag frå Voss. Strengjarhaugen Spelemannslag begeistrar med friskt samspel og fengande musisering, og i årets Landsfestival i gamaldansmusikk kom dei til finalen. Dette framragande studentensemblet høyrer til på Ole Bull Akademiet på Voss, så desse musikarane kjem vi til å høyre meir av i åra framover!
Lina Brenden, fele
Hanne Kjøk, fele/vokal
Synne Kjøk, fele
Silja Lid Strysse, toradar
Iselin Aukrust, fele/vokal
Semon Harerusten, cittern/mandolin/gitar
Ivar Blekastad Haugen, trekkspel
Emma Sandseter-Selen, trekkspel/fele
Vegar Vårdal, musikalsk leiar
Frå kl 19 og utover blir det folkedans og musikk i Midtrommet, fram til 22-tida. Bokkaféen Amalies Hage vil halde ope under heile kvelden.
Bergen Ungdomslag Ervingen har tatt initiativ til kvelden, og stiller med musikarar og dansarar. I tillegg kjem fleire utøvarar frå bergensområdet til å spele i løpet av kvelden, m.a. Audhilds, Fjellbekken, Osterøy og Bjørnafjorden spelemannslag, juniorlaget og Flatsabbene.
Gratis inngang.
You may also like the following events from Bergen Offentlige Bibliotek:
