Dr Bergland - På død og liv // Oseana

Ventetida er over – Dr. Bergland er endeleg klar med ny framsyning!

I løpet av dei siste åra har Jonas Kinge Bergland etablert seg som ein av landets største og mest populære komikarar. Sidan debutframsyninga «Dr. Bergland og den alternative medisin» i 2016, har han levert intelligent, kompromisslaus og – etter eigne ord – «heilt brukbar» standup for eit stadig større publikum og begeistra anmeldarar.

Hans andre og tredje framsyningar, «Dr. Bergland bryter taushetsplikten» og «Dr. Bergland uten grenser», selde begge nærmare 100.000 billettar og er ein av dei største suksessane nokon gong for Latter i Oslo.

Forventingane er derfor skyhøge når han no er klar med «Dr. Bergland på død og liv».

Dei siste åra har Jonas jobba som sjukeheimslege og fått god anledning til å reflektere over livet, døden, alderdom og om det finst ei høgare meining med alt dette. Slike tankar kan bli til humor – i alle fall når Dr. Bergland står for leveringa.

Vi gler oss stort til å presentere ei ny framsyning med vår favorittlege.

You may also like the following events from Oseana kunst- og kultursenter:

• Next month, 5th September, 07:00 pm, Hva nå, mitt elskede Amerika? – Foredrag med Thomas Seltzer in Bergen
• Next month, 12th September, 07:30 pm, En god time med Eirik del Barco in Bergen
• Next month, 17th September, 07:00 pm, Utstillingsopning: Folk og folkeliv in Bergen