OPERANIN QISA MƏZMUNU
I pərdə
Birinci şəkil. Həsən xanın sahib olduğu Azərbaycanın dağ kəndlərindən biri. Kəndlilər həyatın ağırlığından və yasayışın çətinliyindən şikayətlənirlər. Həsən xan yaxın adamları ilə gəlir: xidmətçilər onlara yol açırlar. Şöhrətli Həsən xan öz ilxısından yaxşı bir atı qonşu hökmdara bağışlamaq üçün seçməyi əmr edir. İbrahim xan yaxşı atların otlaqda olduğunu bildirir. Əsəbləşmiş xan mehtar Alının gözlərini çıxarmağı əmr edir.
Həsən xanın qulluqçularından Nigar adlı bir qız mehtar Alının oğlu Rövşəni sevir. Onun Həsən xanın qəddarlığından xəbəri yoxdur, fikri yalnız sevgilisinin yanındadır. Bu vaxt kor Alı gəlir və oğlu Rövşənə deyir: - bundan sonra sənin adın Koroğludur. Rövşən and içir ki, Həsən xanı məhv edəcəkdir. Rövşənin çağırışına hay verən kəndlilər ona qoşulub dağlara çəkilirlər.
İkinci şəkil. Həsən xan həyəcanlı və fikirlidir. O, öz zəifliyini bildiyi üçün türk paşası Ehsanı köməyə çağırır və onunla Koroğlunun əleyhinə ittifaq bağlayır. Həsən xanın sarayında olan təlxək qisas məqsədı ilə Koroğlunun sevimli atı Qıratı oğurlamağı təklif edir. Hiyləgər keçəl Həmzə bu tədbiri həyata keçirməyin əvəzində xandan Nigarı ona vermək vədini alir. Nigar bu xəbərdən kədərlənir, qardaşı Eyvazla Koroğluya gizlicə xəbər göndərir.
II pərdə
Üçüncü şəkil. Çənlibel qalası. Koroğlu döyuş ruhunda öz dəstəsi ilə Çənlibeldən çıxır. Dəstəyə gürcülər, ləzgilər və başqa xalqların nümayəndələri də qoşulur. Üsyan edənlər dostluqda, qardaşlıqda sədaqətli olacaqlarına and içirlər. Onlar xalqın səadəti, xoşbəxtliyi uğrunda vuruşan Koroğlunun döyüş bayrağı qarşısında baş əyirlər. Qala divarları yanında mehtar paltarı geymiş keçəl Həmzə görünür və Koroğludan sığınacaq istəyir. Koroğlu Həmzənın təcrübəsini nəzərə alıb Qırata qulluq etməyi ona tapşırır. Havanın dumanlı və çiskinli olmasından istifadə edən hiyləgər Həmzə fürsət tapıb gecə Qıratı qaçırır. Bu hadisədən xəbər tutan Koroğlunun dəliləri onu qovur, lakin çata bilmirlər.
III pərdə
Dördüncü şəkil. Həsən xanın sarayında şadlıqdır. Qızlar çalıb oxuyurlar. Bu şadyanalıq Qıratı qaçıran Həmzənin şərəfinədir və Həsən xan Nigarı ona verəcəyini vəd edir. Aşıq gəlir. Həsən xan və Ehsan paşa ona çalıb oxumağı təklif edirlər. Bu vaxt Həmzə bəy gəlir. O, aşığı görür və tanıyır. Həyəcanla deyir: Koroğlu. Saray əyanları onu tutub qollarını bağlayırlar. Vəzir xəbər verir ki, Çənlibel yolunda satqın Eyvaz tutulmuşdur. Hamı təəccüblənir. Onu kim göndərmişdir? Nigar Eyvazı Koroğlunun yanına göndərdiyini boynuna alır. Hamı Nigarı lənətləyir. Qəzəblənmiş Həmzə bəy Nigarı öldürmək üçün onun üstünə cumur. Bu zaman Koroğlu qollarındakı bağlını qırır və Həmzə bəyə öldürücü zərbə endirir. Koroğlu heç kimə gözünü açmağa imkan vermir və Qıratın belinə tullanıb qaçır. Həsən xan Nigarı, Eyvazı və Poladı öldürməyi əmr edir.
Beşinci şəkil. Şəhər meydanı. Car çəkirlər ki, bu gün burada Nigarın, Eyvazın və Poladın boynu vurulacaqdır. Xalq Həsən xanı və bütün cəlladları lənətləyir. Onlar bu mərasimə hazırlaşdığı vaxt Koroğlunun adamları onları əhatə edir və Nigarı, Eyvazı, Poladı azad edirlər. Xalq öz qəhrəmanı Koroğlunu salamlayır.
Dirijor - Mustafa Mehmandarov
Quruluşçu rejissor - Hafiz Quliyev, Əməkdar incəsənət xadimi
Quruluşçu rəssamlar - Tahir Salahov, SSRİ Xalq rəssamı
Tehran Babayev, Əməkdar mədəniyyət işçisi
Quruluşçu baletmeyster - Qəmər Almaszadə, SSRİ Xalq rəssamı
Xormeyster - Sevil Hacıyeva, Əməkdar incəsənət xadimi
Koroğlu – Yusif Eyvazov, Xalq artisti
Nigar – İlahə Əfəndiyeva, Əməkdar artist
Həsən xan – Cahangir Qurbanov, Əməkdar artist
Ehsan paşa – Taleh Yahyayev
İbrahim xan – Mahir Tağızadə
Həmzə bəy – Fərid Əliyev,Əməkdar artist
Alı – Əkrəm Poladov, Xalq artisti
Təlxək – Əliəhməd İbrahimov, Əməkdar artist
Polad – Məhəmməd Şəmmədov
Eyvaz – Nəzər Bəylərov
Xanəndə qız – Fidan Hacıyeva, Xalq artisti
Əyanlar – Fəhmin Əhmədli
Tural Ağasıyev, Əməkdar artist
İlkin Əhmədov, Əməkdar artist
Fuad Əzizzadə
Carçılar – Əliəhməd İbrahimov, Əməkdar artist
Nəzər Bəylərov
Məhəbbət Səfərov
Kəndli Nadir – Xalid Daşdəmir
Kəndli Vəli – Məhəbbət Səfərov
You may also like the following events from Heydər Əliyev Sarayı - Rəsmi səhifə:
Also check out other
Arts events in Baku.
|
