🇮🇸 Velkomin á ráðstefnu um kennslu íslensku sem annars mál! Ráðstefnan ber heitið Samfélagið er lykilinn að íslensku
Ráðstefnunni er ætlað að bregðast við ákalli samfélagsins, innflytjenda, framhaldsfræðsluaðila og háskóla um mikilvægi samráðsvettvangs er varðar kennslu íslensku sem annars máls, og þá sérstaklega kennslu fullorðinna.
❗️ Kall eftir ágripum til 15. maí
Kallað er eftir erindum frá fagaðilum og fræðafólki en framlagið getur verið í formi fræðilegs erindis.
Megináherslan á ráðstefnunni verður kennsla íslensku sem annars máls í háskólum og á vegum framhaldsfræðsluaðila. Til umræðu verða viðfangsefni sem lúta m.a. að fagvitund, fagmennsku, samtali og samstarfi sérhæfðra kennara í faginu, gagnreyndum kennsluaðferðum, námsefni og námsmati. Erindin munu fara fram á Akureyri en þátttakendur geta valið að vera á staðnum eða í streymi.
Tilgangur ráðstefnunnar er að auka þekkingu, efla samtal fagfólks, treysta stöðu og sjálfstæði fagsins í skólakerfinu og auka almenna vitund um sérstöðu þess. Vonir standa til að niðurstöður ráðstefnunnar muni nýtast við stefnumótun menntastofnanna og stjórnvalda. Ráðstefnunni er ætlað að höfða til kennara í íslensku sem öðru máli á öllum skólastigum og hjá framhaldsfræðsluaðilum og er mikilvægt að sem flestir fagaðilar taki þátt í samtalinu sem þar mun fara fram.
👇 Nánari upplýsingar um ráðstefnuna og innsendingu ágripa má nálgast hér:
https://www.unak.is/is/samfelagid/vidburdir/samfelagid-lykill-ad-islensku
--
📍 Ráðstefnan fer fram í Háskólanum á Akureyri dagana 19. – 20. september og er haldin í samstarfi við eftirfarandi stofnanir: Hugvísindasvið og Menntavísindasvið Háskóla Íslands, Árnastofnun, RÍM - rannsóknarstofu í máltileinkun, Háskólann á Bifröst, ÍSBRÚ - félags kennara sem kenna íslensku sem annað mál, Dósaverksmiðjuna, Fræðslumiðstöð Vestfjarða og Símey – símenntunarmiðstöð Eyjafjarðar.
❤ Öll velkomin!
You may also like the following events from Háskólinn á Akureyri:
