Minningarstund Gleym mér ei - Akureyri

15. október er á heimsvísu tileinkaður missi á meðgöngu og barnsmissi. Af því tilefni mun Gleym mér ei halda minningarstund í safnaðarheimili Glerárkirkju fimmtudagskvöldið 16. október klukkan 19:30.

Tilgangurinn með því að halda minningarstund ár hvert er að styðja við foreldra og aðra aðstandendur í sorginni og jafnframt að skapa umfjöllun um málefni sem áður fyrr virtist ekki mega ræða.

Tendrum ljós í minningu barna sem ekki fengu að dafna með okkur.

Í ár mun Hólmfríður Anna Baldursdóttir stjórnarformaður félagsins vera með ávarp fyrir gesti. Séra Stefania Steinsdóttir verður með erindi og foreldri á vegum félagsins verður með reynslusögu. Í lok kvölds gæti verið gott að opna aðeins á samræður ef tími gefst og fólk vill. Á milli erinda mun söngvarinn Ívar Helgason flytja fyrir okkur nokkur hugljúf og falleg lög.

Boðið verður upp á léttar veitingar.

Verið hjartanlega velkomin í notalega samverustund með okkur 🤍