Jólasýning Fimleikadeildar Dalvíkur 2025

🎄 Velkomin í Vetrarveröld fimleikanna! 🎄
Fimleikadeild Dalvíkur býður ykkur í ævintýralega jólasýningu þar sem 99 iðkendur á öllum aldri stíga á svið og sýna glæsilega fimleikatöfra!
Þetta verður fyrsta „stóra“ sýningin hjá deildinni — og við lofum fallegum dönsum, orku, glitri, stökkum og sannri jólastemningu! 🎁✨
Á sýningunni verður sagt frá vetrarveröld fimleikanna þar sem vetrarverur vakna til lífs — snjókornin dansa, hreindýrin stökkva, álfarnir sprella, frostrósirnar skína og ekki má gleyma sterku og hugrökku hnotubrjótunum sem verja töfra jólanna!
Allt saman sagt í gegnum ævintýrasögu, ljós og tónlist sem fyllir húsið af jólahlýju!