Draugar fortíðar

Hlaðvarpið Draugar fortíðar sem stjórnað er af þeim Baldri Ragnarssyni og Flosa Þorgeirssyni hefur vakið mikla athygli og notið gífurlegra vinsælda. Þeir félagar taka fyrir ýmis mál úr mannkynssögunni og nálgast það úr ýmsum áttum á skemmtilegan og lifandi en umfram allt, fræðandi máta. Ekki síst hefur umræða þeirra um geðræn vandamál og andlega heilsu stuðlað að því að þeir eiga dyggan hóp hlustenda.

Draugarnir hafa haldið stök lifandi kvöld þar sem hlustendum er boðið að upplifa fortíðina í návígi við þáttarstjórnendur og jafnvel taka þátt í dagskránni. Í janúar fóru draugarnir víðreist um landið og heimsóttu alla landsfjórðunga. Voru kvöldin vel sótt og gríðarleg stemning á öllum viðkomustöðum.

Draugarnir munu í september fara annan rúnt um landið eftir fjölmargar áskoranir. Þrír staðir verða aftur heimsóttir að þessu sinni en einnig verða þrír nýir viðkomustaðir að þessu sinni.
Dagskráin mun eins og áður skiptast í tvo hluta. Eitt umfjöllunarefnið er flutt á öllum viðkomustöðum en hitt verður staðbundið, þ.e.a.s. umfjöllunarefnið mun snerta sögu og menningu þess staðar sem heimsóttur er. Hvert sem umfjöllunar efnið verður munu þeir Flosi og Baldur kryfja til mergjar á sinn einstaka máta.

You may also like the following events from Græni Hatturinn:

• This Thursday, 31st July, 09:00 pm, Stebbi Jak in Akureyri
• This Friday, 1st August, 09:00 pm, Classic Rock ásamt Matta og Magna in Akureyri
• This Saturday, 2nd August, 09:00 pm, Hr. Eydís & Hera Björk in Akureyri