Afmælisfögnuður DKG 8. nóvember 2025

Flutt verða þrjú erindi, boðið upp á léttar veitingar og tónlistaratriði.

Erindin flytja: Ingileif Ástvaldsdóttir

“Þarftu ekki að æfa þig?”
Kíkt í dagbók heimilisfræðikennara

Í þessu erindi deilir Ingileif reynslu sinni af fyrstu 100 dögunum í nýju starfi sem heimilisfræðikennari. Hún skoðar hvaða áskoranir hafa komið upp og hvernig fyrri reynsla innan skólakerfisins hefur hjálpað henni að takast á við þær. Með dagbókarfærslum og myndum úr kennslustundum speglar hún þá eftirvæntingu og óvissu sem fylgja því að stíga inn í nýtt hlutverk. Hún veltir fyrir sér hvernig þekking hennar og innsýn sem kennari og skólastjórnandi hafaveitt henni styrk til að finna lausnir og vaxa í starfi. Erindið er persónuleg frásögn af starfsþróunarferli – frá því að vera ný í starfi yfir í að finna taktinn og tengjast nemendum, námsumhverfi þeirra og samstarfsfólki. Tilgangur erindisins er að gefa innsýn í hvernig áskoranir á nýjum starfsvettvangi geta orðið tækifæri til ígrundunar og starfsþroska.


Aníta Jónsdóttir:

Að sigrast á, ná lengra og eflast
Aníta segir frá ferð sinni til Austin í Texas árið 2022 þar sem hún sótti leiðtogafærninámskeið DKG með styrk úr Goldin Gift Fund.


Ingibjörg Magnúsdóttir:

Móttaka og stuðningur við flóttabörn og fjölskyldur þeirra í skólakerfið-/samfélagið okkar.