Sábado 6 Decembro 2025.
BRAIS MORÁN & NASSAUFUNK (Gañadores do Premio Martín Codax na última edición 2024 na categoría Funk, Blues, Soul)
Apertura de portas 22h.
Entradas antecipadas en
Rockbox Overdrive Shop. A CORUÑA Rúa José Luis Pérez Cepeda, 28 15004 A Coruña Tel: 881 88 83 91.
12€.
Brais Morán, con máis de 20 anos de traxectoria profesional na música, foi fundador da banda LORETTA MARTIN, ca que percorreu escenarios durante máis dunha década.
Brais Morán foi galardoado en TRES ocasións co Premio Martín Códax da Música nas categorías de Músicas do Mundo (2018) e Blues &Funk e Soul (2021) e (2024).
Actualmente, preséntase nos escenarios como BRAIS MORÁN & NASAUFUNK, sendo cantante e guitarrista, e acompañado polos músicos Manu Seoane nas guitarras, Xabi Cid na batería, Antón Torroncho, no baixo, e Fran Castro nos teclados.
Ofrece ao vivo un espectáculo bailón de música Disco-Funk que inclúe temas inéditos e repasa clásicos de etapas anteriores. Despois do lanzamento dos seus discos "Cruzando o eclipse" (2015) e "No Mato do desespero"(2018) e ter contado ca participación de artistas como FRAN PÉREZ “NARF”, UGIA PEDREIRA, BUDIÑO, TANXUGUEIRAS e A BANDA DA LOBA, completa un directo que continúa o camiño das súas cancións máis disco-funk, soul, rock, cos seus ritmos afrobrasileiros característicos e os toques máis cálidos da música tradicional galega que completan o seu repertorio. Cancións como "Cando imos para ese lugar" ou "As cores do Mato" son unha mostra que definen o seu estilo como músico ecléctico e compositor de creación propia.
Despóis de lanzar os seus últimos videoclips “Disque ao Soul”, “Euforia”, "Nasaufunk Mameluca" e Funk Salvaxe, como singles que adiantan o seu novo álbum, chega neste 2024, Revolución Chic, o novo traballo discográfico de BRAIS MORÁN & NASAUFUNK. Un disco con son disco, “no que se reencarnan as sementes da Música Negra”, que recorda á música dos 70 nas discotecas do futuro cunha produción moderna e actual como introduce o seu primeiro tema "Chocolate sexy". A Revolución Chic é unha "Revolución imaxinaria e social e, por suposto, unha Revolución musical”. Un impulso a bailar, a revolucionar a pista de baile.
You may also like the following events from Garufa Club:
Also check out other
Entertainment events in A Coruña,
Parties in A Coruña,
Music events in A Coruña.
