Այս տարի լրանում է հայ արձակագիր, դրամատուրգ, հրապարակախոս, սցենարիստ, ռեժիսոր, խմբագիր և գեղանկարիչ Աղասի Այվազյանի ծննդյան 100-ամյակը։
Ի նշանավորումն մեծանուն արվեստագետի հոբելյանի՝ Հայաստանի ազգային գրադարանում տեղի կունենա հանդիպում-հանրային դասախոսություն և գրականության ցուցադրություն։
Աղասի Այվազյանը հայ մշակույթի բացառիկ երևելինեից է, ում բազմաժանր գործունեությունը և յուրօրինակ գեղարվեստական մտածողությունը խոր հետք են թողել հայ գրականության, կինոյի և թատրոնի վրա։ Նրա ստեղծագործությունները հարուստ են երևանյան հումորով, նուրբ հոգեբանական վերլուծությամբ և փիլիսոփայական խոսքով։
Հանդիպմանը հանրային դասախոսությամբ հանդես կգա հայ գրականագետ, այվազյանագետ, խմբագիր, լրագրող, բանասիրական գիտությունների թեկնածու, դոցենտ Անի Փաշայանը։ Հանդիպմանը զուգահեռ ՀԱԳ մեծ ցուցասրահում կբացվի «Աղասի Այվազյան-100» խորագրով գրականության և մամուլի ցուցադրություն։
Միջոցառումն իրականացվում է ՀԱԳ Սպասարկման բաժնի Ընդհանուր ընթերցասրահի աշխատակիցների նախաձեռնությամբ։
Հայաստանի ազգային գրադարան
Թամանյանական մասնաշենք, փոքր դահլիճ, մեծ ցուցասրահ
Մուտքն ազատ է։
Լրացուցիչ տեղեկատվության համար ՝ 033 623513
