Inry Fliekaand Grease

Ons inry-fliekaand is om die draai en die opgewondenheid bou behoorlik op! Ons kan nie wag om saam met julle Grease onder die sterre te geniet nie.

HEKKE MAAK OM 18:30 oop en fliek begin 19:30.

Onthou ook van ons HEERLIKE kosverkope .

🎥 Hoe werk dit presies?

Ons inry-fliekaand werk presies soos die ou, klassieke inry-flieks van vroeër jare gewerk het:
• Jy ry met jou motor die terrein binne en parkeer op ’n aangewese plek.
• Voor jou is ’n groot skerm waarop die fliek vertoon word.
• Die klank van die fliek word deur ’n spesiale radiofrekwensie uitgesaai.
• Jy stel eenvoudig jou motor se radio in op die aangeduide frekwensie, en luister die fliek-klank deur jou eie kar se klankstelsel.

Dit beteken jy beheer jou eie volume, sit gemaklik in jou motor, en geniet die fliek in jou eie spasie — maar steeds saam met almal rondom jou. Dis veilig, gesellig en propvol daardie heerlike ou-tyd atmosfeer.

Ons sien uit om saam herinneringe te maak! 💛🚗🌙