Er du klar for 90-tal i Myrkdalen? Skiboogie er tilbake, denne gongen med nytt tiår i fokus. Dei siste åra har me fylt tråkkemaskingarasjen med 80-talsfest, men no skrur me klokka fram og tek steget inn i 90-talet. Me gler oss til ein ny runde med ski, allsang og ekte 90-talsstemning 🕺🏻
⛷️ Dagen startar med parallellrenn i Landsbybakken, der alle kan vere med. Rennet er gratis, blir køyrt i klassane kvinner og menn, og det blir premiar både til vinnarane og til beste 90-talskostyme. Rennstart er klokka 13.00.
🍻 Etter målgang blir det afterski på Pudder frå klokka 15.00 – perfekt opplading til kvelden.
🪩 Klokka 19.00 opnar dørene til 90-talsfest i trakkemaskingarasjen. På Grensen til Allsang går på scena klokka 20.00, før DJ tek over og held festen gåande heilt til klokka 01.00. Aldersgrensa er 18 år.
🚌 Det går buss frå Voss med avgang klokka 18.00 frå kulturhuset, og retur frå Myrkdalen klokka 01.00. Billetten må førehandsbestillast!
