Andre helga i advent inviterer orkesteret Fossegrimen til ei flott musikkoppleving i Nain. Saman med Fossegrimen sitt kor og gymnaskoret framfører orkesteret storverket Skapinga av Haydn. Også i år har vi med oss solistane Ingvill Holter (sopran), Erlend Tvinnereim (tenor) og Ludvig Lindstrøm (bass).
Haydn sitt store oratorium vart skrive mellom 1796 og 1798, i ei tid der både tru, opplysningsideal og tru på framtida stod sterkt. Her skildrar Haydn skapingsforteljinga slik ho er kjent frå Bibelen – frå det første lyset til mennesket kjem til verda:
- mørket før alt startar
- lyset som bryt fram
- hav og himmel som tek form
- alt som kryp og spring får liv
- og til slutt: mennesket
Haydn henta inspirasjon frå Første Mosebok og John Milton sitt "tapte paradis", og kombinerer klassisistisk klarheit med melodisk rikdom i eit gripande og uttrykksfullt verk. Meisterverket Skapinga blir rekna som eit av Haydn sine viktigaste verk. Her viser komponisten si store evne til å formidle natur, tru og menneskeleg undring gjennom musikk.
Solistar, songarar og musikarar i prosjektkor, gymnaskor og orkester, og samarbeidande musikarar frå SOFORK, ser alle fram til å ynskja velkommen til ei konsertoppleving med vakker musikk – eit fint avbrekk i førjolstrida!
Lars Ragnvaldsen instruerer Fossegrimen sitt prosjektkor, medan Nina Mork Brunvoll og Elisabeth Opaas leiar Gymnaskoret. Dagfinn Rohde er orkester- og konsertdirigent.
Billettar på TicketCo:
https://fossegrimen.ticketco.events/
Vel møtt til jolakonsert!
