Velkomen til vårens samling 15.mai! - denne gongen hjå BRUKET arkitektur. Me tek opp eit viktig tema i næringa; Kontraktsrett Eit inspirerande foredrag med Per Christian Grant-Carlsen, advokat & partner i Brækhus
Denne gongen møtast me på Vangen, nærare bestemd hjå BRUKET arkitektur. Etter fagleg program tek me turen til Tre Brør for mat og mingling.
Etter tips frå næringa sjølv får me denne gongen besøk frå advokat og partnar i advokatfirmaet Brækhus i Oslo, Per Christian Grant-Carlsen.
Per Christian har bred erfaring innan eigedom og entreprise og vil ta for seg fallgruver innan kontraktsrett i dette foredraget. Me set av god tid til spørsmål, diskusjonar og preik.
Voss har fått eit bedriftsnettverk for ombruk av tre:
Eit år har gått sidan me fekk presentert Materialbanken frå JCS AS. Mykje har skjedd sidan den gong, og Bruket arkitektur leiar nå eit bedriftsnettverk for ombruk av tre, som i vinter fekk støtte frå Innovasjon Norge og Kraftfondet. Nettverket er innovativt i nasjonal samanheng, og har samla følgjande aktørar:
BRUKET arkitektur (leiar)
Lindstad Bygg
XL Bygg
Kveik Formidling
JCS AS
Norconsult
BIR
Voss herad
Hardanger og Voss Næringshage
Me får høyre kva nettverket skal få til dei komande åra og korleis andre aktørar kan kobla seg på.
Etter fagleg program tek me turen til Tre brør for middag og mingling.
Program
Med atterhald om mindre endringar
Enkel servering og mingling
Fallgruvar innan kontraktsrett v/ Per Christian Grant-Carlsen, Brækhus
Bedriftspresentasjon BRUKET arkitektur
Innovativt bedriftsnettverk for ombruk v/ deltakarane i nettverket
Tid: torsdag 15. mai 15:00 – 19:00
Stad: BRUKET arkitektur, Stallgata 6
Pris medlem: 750,-
Pris ikkje-medlem: 1500,-
Billett inkluderer føredrag, middag og dessert.
Arrangementet er ope for alle i bransjen.
NB! Per Christian er ein driven føredragshaldar og ønskjer å tilpasse innhaldet til kva type verksemder som deltek, så me set stor pris på tidleg påmelding.
Nysgjerrig på om Bygg, anlegg og eigedomsforum er noko for deg og di bedrift?
Dette forumet vart starta i 2021, og sidan den gong har me i Hardanger og Voss Næringshage samla større og mindre aktørar i bygg, anlegg og eigedomsbransjen. Me såg eit behov for ein felles møteplass for næringa med fokus på fagleg innhald, men like mykje for at næringa kan verte betre kjend med kvarandre og få eit større nettverk. Difor legg me opp til god tid til mingling på kvar samling. Forumet møtast fire gonger i året, med ei samling der me køyrer heilaften. Meld deg på eit av våre arrangement, og sjå om denne møteplassen er noko for deg! Me oppfordrar og transportnæringa som jobbar tett med bygg- og anlegg til å delta!
Forumet er per i dag både for medlemer og ikkje-medlemer av Næringshagen. Ta kontakt med
YmVuZWRpY3RlIHwgaGFyZGFuZ2Vydm9zcyAhIG5v for å motta invitasjon i framtida!
