Alexandra Rotan// Jula er her

Alexandra Rotan inviterer til julemagi – med fullt liveband og varme i kvar tone.

«Jula er her» er ei stemningsfull juleframsyning for heile familien – med alt frå kjære, norske julesongar og grenselause klassikarar, til nye favorittar frå skjermen. Her får du både tradisjon og overrasking, nostalgi og ny musikk – i ei konsertoppleving som rører både hjarta og latteren.


Alexandra Rotan, kjent frå KEiiNO og Stjernekamp, har tidlegare vore gjesteartist på Kurt Nilsens juleturné og medverka i «Stille Natt» – men i 2024 tok ho steget fullt ut og delte si eiga juleglede. Turnéen vart ein suksess utan like, og no er ho tilbake – saman med eit stjernelag av musikarar – med ein endå sterkare og meir inkluderande versjon av «Jula er her».

Uansett om du ventar mest på nissen, er glad i juleevangeliet, eller berre ser fram til pinnekjøtet – denne konserten er for deg.

Med ei av dei mest kraftfulle og varme stemmene i landet, skaper Alexandra ei heilt spesiell stemning. Hennar tolkningar av «Når himmelen fell ned», «Stjerneskodd» og «O helga natt» har allereie funne vegen inn på mange sine julelister. I fjor sleppte ho den nyskrivne låta «Jula er her», og i år får publikum høyre fleire nye utgjevingar – fulle av kjensler, lys og håp.

You may also like the following events from Voss kulturhus:

• Next month, 17th September, 01:30 pm, Trille// eit leikande og poetisk univers for dei minste1-2 år in Voss
• Next month, 17th September, 04:30 pm, Rulle// ei rund reise inn i fantasien,3-6 år in Voss
• This October, 10th October, 06:30 pm, "Skam deg Mayliss"- Ei kvinne, eit liv – og ei bølgje av kjensler! in Voss