Seinope: Julestemning med Maria Parr i Aasentunet

Velkommen til ein stemningsfull førjulskveld i Aasentunet! Onsdag 26. november held vi dørene opne litt lenger. Du og dine er hjarteleg velkommen inn til ei koseleg og varm førjulsstund med noko for både store og små.

Klokka 18.00 får vi storfint besøk av den folkekjære forfattaren Maria Parr, kjent for bøker som «Vaffelhjarte», «Tonje Glimmerdal» og «Oskar og eg». Ho vil lese høgt frå den siste boka si, «Oskar og eg. Alle tinga vi har». Forfattaren tar gjerne i mot spørsmål frå tilhøyrarane og signerer bøker.

Arrangementet er gratis!

I museumsbutikken finn du eit stort utval gåver, bøker, lokalprodusert handverk og julegodt – perfekt for deg som ønskjer å handle julegåvene i rolege omgivnader. Vi pakkar gjerne inn gåvene for deg!

Aasentunet er pynta til jul, vi fyrer i peisen og i kaféen kan du nyte varm drikke og fersk bakst. Vi sel risgrynsgraut og spekemat.

Ta med familien og vener – og kom i julestemning hjå oss!

Aasentunet er ope frå kl. 10.00–19.30 denne dagen.

You may also like the following events from Aasentunet:

• This Friday, 28th November, 02:00 pm, Bok og bakverk: Folketonar til Aasen-viser frå Ørsta og Volda in Volda