Naturfestivalen inviterer til workshop om fjellmedisin på Volda Røde Kors huset fredag 15. August.
Kva er fjellmedisin?
Fjellmedisin er eit vidt begrep, som tar utgangspunkt i all fyrstehjelp som skjer utanfor allfarveg. Eit av måla med workshopen er å finne ut kva vi faktisk treng å ha med oss på tur. Om turen går i havkajakk på Stadt, i eit elvejuv i Valldal, på klatretur i Molladalen, bretur på Kolåstind eller fisketur i fjellvatn i Dalsfjorden.
I løpet av denne kvelden vil du mellom anna få vite meir om:
- Kva treng vi å ha med i sekken
- Kva uhell/skader kjem vi utfor i fjellet
- Korleis handtere desse situasjonane
- Praktisk handtering av nedkjølte personar
Workshop’en blir gjennomført som ein samtale, mellom deltakerar og Sindre. Målet med samtalen er å auke bevisstheita til deltakerane rundt kva vi faktisk trenger å ha med oss i sekken, kva uhell/skadar som oftast rammar personar på tur og korleis handtere desse situasjonane når det er langt til hjelp. Det blir rom for deltakerar å kome med sine eigne erfaringar.
På slutten vil det bli litt praktiske øvingar og gjennomgang av handtering av nedkjølte personar.
Kven er dette for?
Der er ingen krav om forkunnskap for deltakerane, men det er ein fordel om du har erfaring med tur i fjellet og har interesse for dette. Dess meir ein kan i forkant, dess meir utbytte vil ein få ut av kvelden.
Kven held workshopen?
Sindre er utdanna ambulansefagarbeidar og sjukepleiar, har erfaring frå arbeid i ambulanse og akuttmottak. Han er aktiv fjellklatrar, elvepadlar og fjelløpar. I tillegg har han erfaring frå skipatrulje, skredredning, elveredning og fjellredning
Påmelding og pris:
Pris for workshopen: 100,-
You may also like the following events from Naturfestivalen:
Also check out other
Workshops in Volda.
