Inmiddels ein tradisie en ein begrip op de vastelaoveskalender is Jocus Joetsaovend. Auk in 2025, te weite zaoterdaag 7 fibberwari (aansloétend aan ’t Prônke op de Klaosstraot) kin d’r weer gejoets waere op ôs Parade.
Alderwets van kefeeke nao kefee joetse en veural zelf zörge det ’t eine joeksige aovend wuurt.
Boéte op straot speule joekskepelle de Venlose vastelaovesméziek en meugse ’t hoëgste leed zinge of d’n hoempapa danse.
D’n deilnemer aan de Joetsaovend is alzoë auk geliék de haufrolspeuler. Dus haol ôg flot ein stempelkaart!
Stempelkaart zien verkriégbaar via de webshop én deilnemende kefeejs.ein stempelkaart kaupe. Daoveur kriégse beej idder van de deilnemende kefees ein klep veur lau.
En as geej al die kefeejs ziet aafgewaes kriég geej ein biézôndere, exclusieve Jocus Joetsaovend medaalie, ôntworpe door Hofteikenaer Marc Hurkens.
Kaarte veur de Jocus Joetsaovend zien binnekort te kriége in de deilnemende kefees.
Dit zien: Café De Paris • Rhummery The Rub! • Take Five (Music Cafe) • Eetcafé De Brasserie • Preuflokaal Altied Zondaag • De Galerie • Kefee 45 Toeren • De Tapperie • De Witte
D’n aovend deurt van 17.11 wies 23.11 oor.
You may also like the following events from Venloosch Vastelaoves Gezelschap Jocus:
