ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის მსოფლიო ისტორიის სასწავლო-სამეცნიერო ინსტიტუტის ახალი და უახლესი ისტორიის კათედრა 2026 წლის 21-23 იანვარს აწყობს სტუდენტთა VI ეროვნულ სამეცნიერო კონფერენციას, სადაც მონაწილეობა შეუძლიათ საქართველოს აკრედიტირებული უმაღლესი სასწავლებლის ბაკალავრიატის და მაგისტრატურის სტუდენტებს.
მოხსენება უნდა ეხებოდეს მსოფლიოს და/ან საქართველოს ახალი და უახლესი ისტორიის საკითხებს.
კონფერენციის მსვლელობისას შერჩეული მოხსენებები ელექტრონული სახით გამოქვეყნდება კონფერენციის მასალებში.
კონფერენციაში მონაწილეობის მსურველებმა 29 დეკემბრამდე უნდა გამოგზავნონ დასრულებული სტატიები და მეცნიერ-ხელმძღვანელების დასკვნა-რეკომენდაცია ელექტრონულ ფოსტაზე
d29ybGRoaXN0b3J5IHwgdHN1ICEgZ2U=
კონფერენციაზე მოხსენებები შეირჩევა ფარული რეცენზირებით.
სტატიების გაფორმების წესი:
1. სტატიის სათაური ქართულად;
2. ავტორის სახელი და გვარი ქართულად;
3. ორგანიზაციის დასახელება ქართულად;
4. ფაკულტეტის დასახელება ქართულად;
5. 3-5 საკვანძო სიტყვა ქართულად;
6. სტატიის ძირითადი ტექსტი ახალი გვერდიდან ქართულად (MS Word-ის ფორმატით, შრიფტი – Sylfaen ან Calibri);
7. სტატიის მოცულობა: 1500-2000 სიტყვა;
8. გამოყენებული ლიტერატურის სია.
მოხსენებათა თეზისებს ცალკე დოკუმენტად თან უნდა ახლდეს მეცნიერ-ხელმძღვანელის დასკვნა. მეცნიერ-ხელმძღვანელი შეიძლება იყოს აკრედიტირებული უმაღლესი სასწავლებლის აკადემიური პერსონალი, დოქტორი ან მასთან გათანაბრებული სამეცნიერო ხარისხის მქონე პირი და დოქტორანტი.
