ნაფიქრალი - „სიტყვის ძალა"

13 დეკემბერს ნაფიქრალზე გელოდებით!

„ნაფიქრალი“ აზროვნების აკადემიის მთავარი ღონისძიება! ის აერთიანებს სხვადასხვა პროფესიის საინტერესო ადამიანების შინაგან მონოლოგს. ღონისძიების მსვლელობისას ჩვენ მათი ნაფიქრალის თანამონაწილეები ვხდებით.

🗓️ 2023 წლიდან ჩვენ უკვე სამი თემის გარშემო მოვისმინეთ ადამიანების ნაფიქრალი: მეტამორფოზა; გზა; მენტალური ჯანმრთელობა. გამომსვლელებმა ისაუბრეს მათ გამოცდილებებზე, შეხედულებებსა და ფიქრებზე თემების გარშემო, წელს კი ნაფიქრალი ახალი თემით ბრუნდება — 2025 წლის ნაფიქრალს „სიტყვის ძალის" შესახებ მოვისმენთ.

💬 სიტყვა მხოლოდ კომუნიკაციის ინსტრუმენტი არ არის, ის ქმნის რეალობას, აყალიბებს ჩვენს წარმოდგენებსა და დამოკიდებულებებს, აღძრავს ემოციებსა და განცდებს. მისმა სწორმა ან არასწორმა გამოყენებამ შესაძლოა ჩვენი ცხოვრება სრულიად შეცვალოს. ისინი ქმნიან ისტორიებს ადამიანებზე, რომლებსაც თავად ადამიანები ყვებიან და მათთან ერთად განაგრძობენ არსებობას. სიტყვებით იქმნება ჩვენი ფიქრებიც და ამის გამო თავად სიტყვაზე და მის ძალაზეც ხშირად გვეფიქრება. სწორედ ამიტომ, წელს აზროვნების აკადემიის მთავარი ღონისძიების თემად „სიტყვის ძალა" შევარჩიეთ.

🎙️ ღონისძიებაზე გამომსვლელები იმსჯელებენ არა მხოლოდ სიტყვაზე, როგორც კულტურულ ან ფსიქოლოგიურ ფენომენზე, არამედ ისაუბრებენ საკუთარ გამოცდილებებზე იმ სიტყვებზე, ფრაზებზე და ამბებზე, რომლებმაც მათ ცხოვრებაზე მოახდინეს გავლენა. ისინი გაგვიზიარებენ ისტორიებს, რომელმაც შეცვალა მათი პროფესიული ან პირადი გზა, მოგვიყვებიან სიტყვებზე, რომელიც ქმნის აზროვნების კულტურას ან ხდება იარაღი მანიპულაციებისთვის და იმაზე, როგორ შეიძლება ნათქვამი სამოქმედო ენერგიად იქცეს, როცა მას თან ახლავს აზრი, ემპათია და პასუხისმგებლობა.

✨ მათი ამბები იქნება ერთგვარი გზამკვლევი იმის გასაგებად, რა გავლენა აქვს სიტყვას ჩვენს ცნობიერებაზე: როგორ გადადის ის აზრიდან ქმედებაში, როგორ გარდაქმნის ემოციებს გადაწყვეტილებებად და როგორ შეიძლება იქცეს იგი მოტივაციად.

🗓️ ღონისძიების სხვა დეტალებისა და გამომსვლელების შესახებ დეტალური ინფორმაცია მალე გასაჯაროვდება!


🔲 ღონისძიება გაიმართება 13 დეკემბერს: 12:00-19:00 საათი

📌 მისამართი: The Biltmore Tbilisi Hotel (რუსთაველის გამზ. 29)

ნაფიქრალის ბილეთები სამ კალათად გაიყიდება:

▶ პირველი კალათა - 125₾
▶ მეორე კალათა - 150₾
▶ მესამე კალათა -175₾

👉 რეგისტრაციისთვის ეწვიეთ ბმულს: https://cutt.ly/5r6B6iYX

☎ დამატებითი ინფორმაციისთვის დაგვიკავშირდით: 0322 15 15 40

You may also like the following events from აზროვნების აკადემია / The Thinking Academy:

• This Saturday, 8th November, 08:00 pm, „ქალის არქეტიპები" - რეზო კორინთელი in Tbilisi
• Next Tuesday, 11th November, 08:00 pm, „დამოკიდებულებები და ცხოვრების ხარისხი" - გიორგი ჭანტურია in Tbilisi
• Next Friday, 14th November, 08:00 pm, „განმავითარებელი უკუკავშირი და ინდივიდუალური მიდგომა" - ნინო ბუაძე in Tbilisi