„კავკასიის გეშტალტთერაპიისა და ოჯახური ფსიქოთერაპიის ინსტიტუტი" და სოფია ვერულაშვილი გიწვევთ გეშტალტთერაპევტებს და სხვადასხვა მოდალობის ფსიქოთერაპევტებს ლინდა ოსბორნის სამდღიან საერთაშორისო სემინარზე!
სემინარის თემა: „ფსიქოთერაპია წყვილებთან".
სემინარი ჩატარდება 22,23,24 მაისს, "კავკასიის გეშტალტთერაპიისა და ოჯახური ფსიქოთერაპიის ინსტიტუტში", მისამართზე: ლადო ასათიანის ქუჩა N14ა, მეორე სართული, 0105, თბილისი, საქართველო.
დღის განრიგი:
09:45 — რეგისტრაცია
10:00–11:45 — სამუშაო პროცესი
11:45–12:00 — ყავის შესვენება
12:00–13:45 — სამუშაო პროცესი
13:45–15:15 — სადილის შესვენება
15:15–16:30 — სამუშაო პროცესი
16:30–16:45 — ყავის შესვენება
16:45–18:00 — სამუშაო პროცესი
მოუთმენლად ველით კიდევ ერთ მნიშვნელოვან და სწავლისა და პროფესიული ზრდის გამოცდილებას.
სემინარის წამყვანი:
ლინდა ოსბორნი (დიდი ბრიტანეთი) — ფსიქოკონსულტანტი, ფსიქოთერაპევტი, გეშტალტთერაპევტი, სუპერვიზორი და საერთაშორისო ტრენერი.
ლინდა ოსბორნი, როგორც კონსულტანტ-ფსიქოთერაპევტი, დაკავებულია კერძო პრაქტიკით ფარნემში, სურეიში. ის კლიენტებს სთავაზობს მკაფიო, საზღვრების მქონე და პროფესიონალურ თერაპიულ ურთიერთობას, რაც მათ აძლევს თავისუფლებას გამოიკვლიონ საკუთარი გამოცდილება, ახლოს დარჩნენ მასთან, გაიაზრონ და დაიწყონ მათი გადამუშავება. ლინდა ასევე უზრუნველყოფს სუპერვიზიას კონსულტანტებისა და ფსიქოთერაპევტებისთვის.
ლინდა ლონდონის მეტანოიას ინსტიტუტის (Metanoia Institute) ლექტორია და საერთაშორისო დონეზე ატარებს ტრენინგებს. როგორც კონსულტანტ-ფსიქოთერაპევტი, ის ეფუძნება ბრიტანეთის კონსულტირების და ფსიქოთერაპიის ასოციაციის ეთიკის კოდექსს, ხოლო როგორც ფსიქოთერაპევტი, სუპერვიზორი და ტრენერი — მეტანოიას ინსტიტუტის ეთიკის კოდექსს.
იგი მრავალი წლის განმავლობაში იყო დიდი ბრიტანეთის ფსიქოთერაპევტთა საბჭოს (UKCP) ტრენინგ სტანდარტების კომიტეტის წევრი და დიდი ბრიტანეთის გეშტალტ პრაქტიკოსთა ასოციაციის (UKAGP) დამფუძნებელი თავმჯდომარე.
სამუშაოს მიმართულებები
პირადი კონსულტირება და ფსიქოთერაპია; ფსიქოსექსუალური და ურთიერთობების კონსულტირება, წყვილების თერაპია; გლოვისა და განქორწინების თემებზე ინდივიდუალური და ჯგუფური მუშაობა; შეფასება, მოკლევადიანი და გრძელვადიანი თერაპიული პროცესები.
აკრედიტაცია
• „Relate“-ის აკრედიტებული კონსულტანტი
• ბრიტანეთის კონსულტირების და ფსიქოთერაპიის ასოციაციის აკრედიტებული წევრი
• დიდი ბრიტანეთის ფსიქოთერაპევტთა საბჭოს აკრედიტებული ფსიქოთერაპევტი
• გეშტალტ ფსიქოთერაპიის ტრენინგ ინსტიტუტის ტრენერი და სუპერვიზორი წევრი
• ევროპული ფსიქოთერაპიის სერთიფიკატის (ECP) მფლობელი
სემინარის ღირებულება: 550 ევრო, გეშტალტთერაპიის ბაზისური პროგრამის სტუდენტებისთვის 450 ევრო.
სემინარზე რეგისტრაციისთვის აუცილებელია სრულად გადაიხადოთ თანხა.
ადგილების რაოდენობა შეზღუდულია, ჯგუფის წევრთა მაქსიმალური ოდენობაა 18 მონაწილე და რეგისტრაცია სრულდება გადახდის შემდეგ.
გთხოვთ, წინასწარ იზრუნოთ სემინარზე დასასწრებლად.
სემინარი ჩატარდება ინგლისურ ენაზე, თანმიმდევრული თარგმანით ქართულ ენაზე.
რეგისტრაციისა და დეტალური ინფორმაციისთვის მოგვწერეთ ჩვენი ინსტიტუტის ფეისბუქ გვერდის მესენჯერში
You may also like the following events from Caucasus Institute of Gestalt Therapy and Family Psychotherapy (CIGTFP):
|
