Ryfylkekokken Frode Selvaag inviterer til eit historisk måltid gjennom tusen år.
Me kan ikkje lova tusen rettar. Men, me kan lova at du blir mett, opplyst, nysgjerrig og overraska …
Matopplevinga blir 200 år i slengen, krydra med mathistorier frå dei ulike periodane.
Ryfylkekokken feirar sjølv 15-årsjubileum i haust. Frode Selvaag er ein av dei mest profilerte kokkane i Rogaland og har vunne fleire nasjonale og regionale prisar. Ryfylkekokken er opptatt av lokale råvarer, mattradisjonar og historie.
Pris
1 000 kroner per person + billettavgift.
Prisen inkluderer all mat, ein varm tusenårskopp og matkulturelle høgdepunkt servert av Ryfylkekokken og kulturhistoriske vener. Drikke kjem i tillegg.
Me har 50 ledige plassar til denne kvelden.
Matreise gjennom tusen år er ein del av Den store tusenårsfesten på Finnøy.