***Leygarkvøldið 29. Nov. kl. 20.30 í Tøting***
HAVNAR JAZZFELAG OG TUTL 50 ÁR.
Atgongumerki á 150 kr. (Tó bert 100 kr. fyri limir í Grót) fáast á atgongumerki.fo, ella við dyrnar frá kl. 20.00.
maður:glotti
Akustisk útgávu-konsert við maður:glotti
Seinast maður:glotti var á palli var í 2008, men nú spæla teir aftur nakrar akustiskar konsertir í samband við nýggju útgávuna STEV.
Eftir nógv ár við hvør sínari karrieru – Terji Krossteig sum blús tónleikari við framførslum í Danmark, Týsklandi og Føroyum, og Dennis Agerblad sum kabarett- og trash-drag-performari í sjey londum í Evropa – gjørdu teir av at møtast aftur, at gera tónleik saman.
Á konsertini fara teir at spæla nýggj løg av komandi heildarútgávuni umframt eldri løg.
Við á pallinum hava teir roynda bassleikarin Kristin Nolsøe Bech.
Dennis Agerblad: sang og kaospad
Terji Krossteig: gittar og sang
Kristin Nolsøe Bech: bass
Yggdrasil & Kári Sverrisson
Yggdrasil er eitt norðurlendskt ensemble, ið hevur heimstað í Føroyum. Hon varð stovnað í 1981 og hevur nærum altíð fevnt um tónleikarar úr øðrum londum. Yggdrasil hevur, frá byrjan av, havt eitt serstakt hugtak. Flestu kompositiónir eru gjørdar í samstarvi við aðrar listagreinar ella í summum førum við náttúruna. Tónleikarar, sum hava verið partur av bólkinum, antin á langtíðarstøði ella sum luttakarar í ávísari verkætlan, hava ymiskar tónleikaligar bakgrundir, serliga í jazzi, men eisini í etniskum, fólkatónleiki, rock- og klassiskum tónleiki. Meðan verkini draga hugskot ella tema úr tjóðskaparligum tilfari, so er improvisatión alt frá fríum til klassiskum stíli, altíð partur av spølinum.
Kristian Blak er klaverleikari, stovnari og høvuðstónaskald í bólkinum. Hann hevur skrivað fleiri stórverk í svituformi til Yggdrasil, flestu av hesum eru útgivin á Tutl.
Afturat sær hevur hann Kári Sverrisson (sang,gittar), Angeliku Hansen (violin), Heðin Ziska Davidsen (gittar), Mikael Blak (bass) og Per Ingvald Højgaard Petersen (trummur).
Also check out other Concerts in Tórshavn, Music events in Tórshavn, Entertainment events in Tórshavn.
