Vi gler oss til igjen å ynskje velkomen til skulemusikal på ungdomshuset Framheim, veka etter vinterferien, torsdag og fredag 26.-27.02.26 kl 19:00.
Årets musikal bygger på det kjente stykket Evig Ung, og vi kan nok ein gong love ei god blanding av lokal humor, varme, musikalske innslag og vonaleg også ettertanke som treff deg i hjarterota.
Vi møter gjengen på omsorgssenteret. Det er framleis mykje futt i dei gamle kroppane, og dei er slett ikkje så resignerte som det ser ut som. For sjølv om det kan vere tøft å bli eldre, kan ein framleis kjenne seg som ein 25-åring, og ha et ynskje om å spele hovudrolla i sitt eige liv - ein aller siste gong.
“Evig ung” er en musikal med trøkk som handlar om det å bli gamal, med eit skråblikk tilpasset vår tid og vårt lokalsamfunn. Publikum kan glede seg til ei perlerekke av kjente pop- og rockelåtar fra de siste 50 årene, med passande titlar som “Stayin Alive” og “Forever Young”.
Kom og gle dykk saman med våre flinke ungdomar på Åheim skule!
Regissør: Marte Myklebust
