ТРКАЛЕЗНА МАСА „И ПОВТОРНО ПОЛИТИКА, КУЛТУРА, ИДЕНТИТЕТ“

ТРКАЛЕЗНА МАСА ПО ПОВОД КНИГАТА „И ПОВТОРНО ПОЛИТИКА,КУЛТУРА,ИДЕНТИТЕТ“ ОД АНГЕЛИНА БАНОВИЌ - МАРКОВСКА И ЗЛАТКО КРАМАРИЌ

11 ноември 2025 година, 12 часот
Салон Импреријал 2

На настанот ќе учествуваат академик Катица Ќулафкова, проф. д-р Славчо Ковилоски и проф. д-р Мишел Павловски Монографијата „И повторно политика, култура, идентитет“ на двајцата реномирани македонисти, книжевни теоретичари и културолози, Ангелина Бановиќ-Марковска и Златко Крамариќ, ја потврдува нивната долгогодишна посветеност на актуелните теории, не само во книжевната наука, туку и во културологијата, политологијата и историјата. Содржи предговор и дванаесет есеи кои претставуваат природно продолжение на темите отворени во нивниот претходен заеднички проект. Книгата во фокусот на својот интерес повторно ги става, исчитува и толкува најбитните прашања од националниот културен и книжевен живот, дефиниран од еден поширок историски, етнички и политички хронотоп, карактеристичен како за македонскиот, така и за балканскиот 19, 20 и 21 век. Занимавајќи се со политиката и поетиката на етнонационалните идентитети – видени низ призмата на културната антропологија, историографија и имагологија – авторите на овој труд нудат темелен и сеопфатен увид не само во културната меморија, туку и во идеологијата и етиката што ги обележале најтрауматичните моменти од македонската (но не и исклучиво македонската!) историја, и култура.

You may also like the following events from Културно информативен центар - Скопје:

• Next Wednesday, 12th November, 07:19 pm, Концерт на Квартет Пелагонија in Skopje