🌸 Årets tema: Send det vidare (Pay it forward) 🌸
Søndag 8. mars i Suldal handlar om fellesskap, om å løfta kvarandre – og om å senda styrke, mot og omsorg vidare.
Apellane er opne, ordet er fritt – og alle er velkomne.
Program:
11.00–12.00 | Solidaritetsgudsteneste
Sand kyrkje
12.30 | 8. mars-parade
Oppmøte ved kommunehuset
Me går samla til kulturhuset.
(Dei som vil, kan vera med og laga plakatar på førehand, meir informasjon kjem)
13.00 | Lunsj, drøs og apellar – ordet er fritt på Kulturhuset
Mat, kaffi og kaker.
Opne apellar – her er det rom for stemmer, bodskap og små innlegg.
13.45 | Inspirasjonsforedrag med Elin Tvedt – «Sårbar styrke». Foredraget varer ca. 75 min.
🎟️ Billett: 100 kr
Ingen førehandssal – kjøpast i døra.
🌸 Om foredraget «Sårbar styrke» – Elin Tvedt
I foredraget «Sårbar styrke» deler Elin Tvedt ærleg og inspirerande om korleis motgang, sårbarheit og livskriser kan vendast til styrke. Med varme, humor og sjølvironi tek ho publikum med på ei personleg reise – frå eit liv i rampelyset til ei djupare forståing av psykisk helse, sjølvbilete og det å våga å vera ekte.
Mange kjenner Elin som den folkekjære TV-profilen frå 90-talet – mellom anna som værmelder på TV 2, programleiar i 71° nord og Frokost-TV på NRK, og deltakar i program som Skal vi danse og Farmen. Bak det glamorøse ytre veks presset, og midt i ei direktesending stoppa alt opp. Elin forsvann frå skjermen – og valde seinare å dela historia si frå scenen.
Ho fortel ope om ein krevjande oppvekst, sorg, traume, eteforstyrringar og møtet med eit medietrykk som kravde perfeksjon. Samstundes er foredraget fylt av håp og livskraft. Elin viser korleis det vonde kan bli ei drivkraft, og korleis det uperfekte kan vera ei styrke – i ei tid der mange kjenner på press om å framstå feilfrie, både på jobb og i sosiale medium.
I vaksen alder valde Elin å byrja på sjukepleiarutdanning for å fordjupa seg i psykisk helse – eit tema ho brenn sterkt for. I dag arbeider ho òg som kommunikasjonstrenar i SpeakLab, der ho hjelper andre med å formidla meir modig, ærleg og ekte.
Publikum sit att med både latter, tårer og konkrete refleksjonar – og ofte nokre brukande tankar å ta med seg vidare i eige liv.
🌸 8. mars feirer Elin kvinnedagen med oss i Suldal! VELKOMMEN 🌸
