Axel Vindenes - måleri

Torsdag 2. april (Skjærtorsdag) kl. 13.00 opnar vi gallerisesongen med «28 gledelige malerier» av Axel Vindenes frå Bergen.

Utstillinga viser eit breidt spekter av hans kunstneriske utforsking av livet gjennom eit moderne impresjonistisk språk. Kunstnaren er for mange også kjend som frontfigur i bandet Kakkmaddafakka. Axel Vindenes (f. 1986) er ein sjølvlærd malar med ein lang utviklingsveg. Han har malt i mange år og vist fleire utstillinger, og har etter kvart etablert eit personleg og gjenkjenneleg uttrykk. Hans kunstneriske praksis blir næra av ein djup, fagleg dialog med kunstnaren Arvid Pettersen som han ser på som sin meister.

Pettersen kjenner vi i Guddal frå både målekurs og utstilling i galleriet. Inspirert av den impresjonistiske tradisjonen og norske kunstnarar som Edvard Munch og Ludvig Karsten, søkjer han som moderne impresjonist å fanga stemninga og ljoset i eit øyeblikk. Med ei fri og sikker hand og eit klart fargespråk skapar han bilde som ofte tar utgangspunkt i det bergenske. Paletten spenner frå djupe, stemningsfulle tonar til klare, livsbekreftande ljose fargar.

I 2025 vart det store verket «Fløyen i sol og regn samtidig» innkjøpt av Fløyen til restauranten sitt 100-årsjubileum – truleg verdas største maleri av Fløyen, òg omtala i Bergens Tidende. Same år var han festivalkunstnar for Vossajazz. Han er også fast representert med både utstillingar og elles på galleri Solli Brug i Østfold. Utstillinga «28 gledelige malerier» på Galleri G Guddal samlar eit variert utval av hans arbeid. Bilda som har eit spenn frå tankefulle og stemningsskapande til direkte gledesfulle uttrykk, dannar saman ei visuell forteljing om opplevinga av livet og det som omgjev oss.

Kl. 15.00 vert det konsert med Kjerefolk på låven. Lenke til billettkjøp kjem i eige innlegg.

Vi gler oss til å sjå dykk alle på tunet!

You may also like the following events from Galleri G Guddal:

• This June, 20th June, 01:00 pm, Ingrid Haukelidsæter - måleri og grafikk in Sauda

Also check out other Concerts in Sauda.