Spar 5 + Tina Foss: Gratiskonsert på BådeOg i Sandnes
Måndag 22. desember kjem Ruben Garred, Birger Buland og Tina Foss til Sandnes for å skape ekte julemagi på BådeOg. Som ei førjulsgåve, spelar dei opp til gratiskonsert - så skaff deg ein billett via billettlenka.
Vokaltrioen er vanlegvis å finne i Spar 5, eit bergensbasert band som dei siste åra har gitt ut både album og ei rekkje singlar, og spelt på scener over heile landet.
Birger og Ruben kjem begge frå Sandnes. Under musikkstudia i Bergen møtte dei Tina frå det glade sørland, og gjennom over ti år med vennskap har trioen utvikla seg musikalsk i fleire prosjekt.
No er dei endeleg klare for å sleppe to heilt nye julelåtar saman. På konserten får du høyre låtar frå bandets eigen katalog, stemningsfulle coverlåtar – og sjølvsagt fleire kjende juleklassikarar.
