„Raunveruleikinn eins og hann er, raunverulega“

Steinn Logi Björnsson opnar myndlistarsýninguna „Raunveruleikinn eins og hann er, raunverulega“ í Gallerí Kontór laugardaginn 6. desember klukkan 16.
Sýningin stendur yfir frá 6. desember til 21. desember 2025.
Opið fimmtudaga - sunnudaga frá klukkan 15-18
Steinn Logi Björnsson er Reykvíkingur, fæddur árið 1999. Hann hlaut til að byrja með sína myndlistarmenntun í Myndlistarskóla Reykjavíkur og lauk síðan námi við Listaháskóla Íslands árið 2023. Steinn Logi dvaldi jafnframt u.þ.b. eitt ár við Athens School of Fine Arts auk sumarpart um nokkurra ára skeið, sem sjálfboðaliði við safn Samúels Jónssonar í Selárdal í Arnarfirði. Þetta er hans þriðja einkasýning, hélt m.a. eina þeirra í Wild Horse galleríinu í Kaupmannahöfn árið 2024. Þó málverkið hafi verið einkennandi fyrir Stein Loga þá er bakgrunnur hans einnig í gjörningum en hann hefur líka stundað ljóðagerð. Myndheimur listamannsins einkennist umfram allt af leik og gleði. Náttúra Íslands, mannlíf, flóra og fána eru allt um liggjandi og verkin lýsa um leið ferðalagi hans í gegnum lífið. Oft má greina einhvers konar fáránleika, persónulegt táknsæi auk mögulegra áhrifa frá synthetisma Paul Gauguin. Hversdagsleikinn og kunnuglegir hlutir eru gjarnan settir í nýtt samhengi. Þetta er könnun Steins Loga á mannlífinu og hans nánasta umhverfi. Samferða honum er reynslan og þroskinn en barnsleg forvitni þó aldrei langt undan. Við lifum núna áhugaverða tíma og ekki á vísan að róa hvert stefnir. Þá kemur oftar í góðar þarfir það sem léttir okkur skap og eykur öryggi. Í verkum Steins Loga er ekki kastað til höndum. Einlægni listamannsins skín í gegn, rík sköpunargáfa og auðmýkt gagnvart viðfangsefninu. Á slíkt er ávallt gott að trúa og tileinka sér.
Skúli Gunnlaugsson

Also check out other Arts events in Reykjavík, Fine Arts events in Reykjavík.