Morgunspjall og jólabingó

Markaðsstofa höfuðborgarsvæðisins býður aðildarfélögum og vinum í morgunspjall og jólabingó, föstudaginn 12. desember kl. 08.30-10.00.

Gestgjafar að þessu sinni eru Íslandshótel og munum við hittast í jólastemningu á Hótel Reykjavík Grand.

Jólabingó Markaðsstofunnar hefur fest sig í sessi sem hátíðlegur viðburður þar sem heppin jólabörn geta unnið glæsilega vinninga frá ferðaþjónustunni á höfuðborgarsvæðinu.

Áður en bingókúlurnar byrja að skoppa fáum við kynningu frá Íslandshótelum, en þau hlutu á árinu verðlaunin Höfuðkraftur sem er veittur þeim sem hefur með starfi sínu og stefnu eflt ferðaþjónustuna á höfuðborgarsvæðinu og stuðlað að jákvæðum áhrifum á nærumhverfi sitt og samfélag. Næst verður örlítil jólahugvekja þar sem við ætlum að láta jólaandann svífa um okkur áður en bingóið hefst.

Þeir aðildarfélagar sem hafa áhuga á að gefa vinninga í bingóinu geta sent tölvupóst á Markaðsstofu höfuðborgarsvæðisins á Margréti Wendt bWFyZ3JldCB8IHJleWtqYXZpa2FuZHBhcnRuZXJzICEgaXM=

Aðildarfélagar eru hvattir til þess að bjóða með sér félögum úr ferðaþjónustunni sem ekki hafa enn þá gerst aðilar.

Hittumst í sannkölluðu hátíðarskapi á Hótel Reykjavík Grand og eigum saman notalega jólastund.

Skráning er nauðsynleg og fer fram hér: https://forms.gle/hv58P18i2f73Di857

Also check out other Festivals in Reykjavík.