Fimmtudagsfjör í Krúser 27. nóvember 🎼🥁🎸🎤🎸🎤 🎼
Dr. Blood Group er kennd við Pál Torfa Önundarson, lækni/blóðmeinafræðing og gítarleikara. Hann er uppnefndur „Dr. Blood“ í tónlistinni og hefur samið þekkt lög eins og t.d. Pétur Jónatansson og Ferrari.
Í sveitinni eru auk hans, í stafrófsröð:
Einar Sigurmundsson, unglingurinn í bandinu er íslensku-/bókmenntafræðingur, trommur
Kjartan Jóhannesson, „Kjói“, fyrrverandi hraðbankastjóri Íslands, söngvari, gítar og slagverk
Kristján Sigurmundsson, „Stjáni saxófónn“, þroskaþjálfi, söngur, slagverk og skraut
Ólafur Óskar Axelsson, „Óli Axels“, arkitekt og tónskáld, hljómborð
Þórólfur Guðnason, „Tóti“, barnalæknir/smitsjúkdómalæknir, söngur og bassaleikur
Meðlimir sveitarinnar hafa fengist við tónlist með ýmsum hætti frá barns- og unglingsárum en völdu sér aðrar leiðir til ævistarfs. En þeir hafa engu gleymt og hafa vikulega horfið inn í bílskúra og grátið það að hafa ekki lagt tónlistina fyrir sig sem aðalstarf.
Flestir meðlima hljómsveitarinnar voru einnig í Blúsbandi Jóns Baldurs (sjá „Fiskur og slor á Spotify“), sumir í Diabolus in Musica og tengdum sveitum (sjá „Hanastél á Spotify“), Töktum í Vestmannaeyjum, Pétri og úlfunum (sjá „Stjáni saxófónn“ á Spotify) , Six-pack Latino, Saltfisksveit Villa Valla í Tjöruhúsinu á Ísafirði, og svo mætti lengi telja.
Þeir félagar munu aðallega leika fjölraddaða rokktónlist frá 1955-1975 og eitthvað frumsamið. Mottóið er „Þeir hafa engu gleymt og ekkert lært“, sem er reyndar ósatt.
Húsið opnar kl. 19.00 með rjúkandi kaffi og nýbökuðum vöfflum 😁 ☕ 🧇 🧇 ☕ 😎
Tónleikar hefjast um kl 20.00
Eins og alltaf eru allir velkomnir, Höfðabakki 9 austantil, sjá kort.
Enginn aðgangseyrir en frjáls framlög í kaffi og vöfflusjóð Krúser vel þegin (seðlar og mynt, erum ekki með posa)
Ekki missa af frábæru kvöldi………flottir kaggar og góð tónlist…………pottþétt blanda!
Sjáumst hress…………..í KRÚSER 😁😎🤠
