The Travellers reġgħu lura għal dan l-istaġun tal-Milied b'edizzjoni ġdida tal-kunċert annwali tant maħbub tagħhom: Il-Kunċertun tal-Milied – L-Aħħar Prova.
Wara tliet edizzjonijiet mimlijin daħk, maġija u mużika, din is-sena ser nidħlu f’dimensjoni ġdida; waħda iktar intima, iktar reali, u iktar personali. “L-Aħħar Prova” se ttina titwila rari minn wara l-kwinti tal-band, hekk kif jippreparaw irwieħhom għall-aħħar prova qabel ix-xow. Huwa mistenni li jkollna mumenti spontanji, intervisti mhux ippjanati, u sorpriżi li ser isiru tafu bihom biss jekk tkunu hemm!
Ħinijiet:
🕢 Fid-19, l-20, u t-23 ta’ Diċembru – il-bibien jinfetħu fis-7.30PM, u l-kunċert jibda fit-8.30PM
🕞 Fil-21 ta’ Diċembru – Il-bibien jinfetħu fis-2:00PM, u l-kunċert jibda fit-3:00PM
Ix-xows kollha se jkollhom intervall, u s-serata, mingħajr ma ninkludu l-intervall, se ddum għal madwar sagħtejn.
⸻
Xi ftit minn dak li tista’ tistenna:
• Kanzunetti ikoniċi li għamlu lil The Travellers parti mill-istorja tal-mużika lokali;
• Arranġamenti speċjali taħt id-direzzjoni artistika ta’ TakeTwo;
• Esperjenza teatrali li żżewweġ l-emozzjoni mar-realtà;
• Sorpriżi esklussivi li mhu se jixxandru imkien aktar!
⸻
Ilbies: Ħwejjeġ tal-Milied!
👶 Avveniment addattat għal persuni ta' kull età! Jistgħu jattendu tfal minn 5 snin 'l fuq.
⸻
🎟️ Il-bejgħ tal-biljetti jiftaħ: Il-Ħamis, 18 ta’ Settembru 2025
Dan mhux sempliċement kunċert! Din se tkun esperjenza! U taf tkun ukoll l-iktar edizzjoni speċjali li qatt tellgħu s'issa!
Also check out other Music events in Rabat, Entertainment events in Rabat.
