CONOCE BO BANCO CENTRAL lo tuma luga diasabra, 22 di november 2025. Comunidad por conta cu un dia di diferente actividad na Banco Central di Aruba (BCA). E comunidad por spera un dia yena cu actividad interactivo y diverso, cu varios seccion diseña pa e bishitantenan por compronde e rol di BCA.
BCA - Antes, Awo y den Futuro
E seccion aki tin como meta pa mustra e tareanan principal di BCA, e historia di BCA, e direcion strategico di BCA, y tambe con e e experencia pa traha na BCA.
Nos Tesoro - Aruba su Florin
Na e seccion aki, BCA lo revela con e biyetenan di awendia a wordo diseña, cuminsando for di e concepto di arte te na produccion. Bishitantenan lo siña tambe tocante caracteristicanan clave di seguridad y explora un coleccion di monedanan conmemorativo y di circulacion. Pre-registracion ta necesario, tin luganan limita disponibel abase di “E prome presente lo asegura su luga.”
"Cyber Operations"
E seccion aki tin como meta pa enfatisa consientisacion di seguridad cibernetico entre e publico, cu un enfoke particular riba hobennan. E lo conta cu actividad interactivo diseña pa studiantenan, cu scolnan ta wordo invita pa encurasha participacion di nan studiante den e competencia.
Placa Sabi - Bo Finansas den Bo Man
E seccion aki lo promove educacion financiero y alfabetisacion na un manera atractivo y agradabel. E lo wordo dividi den dos area: un cu ta ofrece materialnan di educacion financiero valioso a traves di mini-tayernan interactivo pa adultonan, enfoca riba presupuesto y spaar; y un otro diseña pa mucha, cu ta ofrece un area di siñamento, hunga cu puzzel y diferente weganan.
Also check out other Arts events in Oranjestad.
